Never Care បានជើងឯករង MATIC 2018 ខណៈក្រុមម៉ាឡេស៊ីឈ្នះជើងឯក

2018-01-14 12:04:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Never Care របស់កម្ពុជាបានទទួលបានត្រឹមជើងឯករងប៉ុណ្ណោះ បន្ទាប់ពីចាញ់ក្រុមខ្លាំងម៉ាឡេស៊ី Syne Gaming ដោយលទ្ធផល ២-០ ក្នុងការប្រកួតវគ្គផ្តាច់ព្រ័ត្រពានរង្វាន់អន្តរជាតិ MATIC 2018 នៅប្រទេសថៃ។

ការប្រកួតផែនទីទី១ (Map 1) ក្រុម Never Care បាននាំមុខ Syne Gaming ដោយពិន្ទុ ៤-២ ហើយ ប៉ុន្តែត្រូវបានគេវាយបកយកឈ្នះដោយលទ្ធផល ៥-៤ ដើម្បីទទួលបាននាំមុខ ១-០ មុន។ ការប្រកួតផែនទីទី២ (Map 2) ក្រុម Never Care បានចាញ់ដោយពិន្ទុ ៥-២ដែលធ្វើឲ្យលទ្ធផលទាំងពីរផែនទី ក្រុមម៉ាឡេស៊ីឈ្នះ ២-០។ ដូច្នេះក្រុមម៉ាឡេស៊ី Syne Gaming បានក្លាយជាជើងឯកប្រចាំឆ្នាំ២០១៨ ខណៈក្រុមកម្ពុជា Never Care មិនអាចការពារតំណែងជើងឯកចាស់របស់ខ្លួនបានទេដោយទទួលបានត្រឹមតែជើងឯករងប៉ុណ្ណោះ។

ដោយឡែកក្រុមម៉ាឡេស៊ី Suicide ទទួលបានចំណាត់ថ្នាក់លេខ៣ បន្ទាប់ពីបានយកឈ្នះក្រុម EDP ROG ដោយលទ្ធផល ៥-៤។

សម្រាប់ប្រាក់រង្វាន់មានដូចខាងក្រោម

ក្រុមលេខ១ជាជើងឯក៖ Syne Gaming (ម៉ាឡេស៊ី) ទទួលបានពាន និងប្រាក់១៥០០០ដុល្លារអាមេរិក
ក្រុមលេខ២ជាជើងឯករង៖ Never Care (កម្ពុជា) ទទួលបានប្រាក់៧០០០ដុល្លារអាមេរិក
ក្រុមចំណាត់ថ្នាក់លេខ៣៖ Suicide (ម៉ាឡេស៊ី) ៤០០០ដុល្លារអាមេរិក
ក្រុមចំណាត់ថ្នាក់លេខ៤៖ EDP ROG (សិង្ហបុរី) ២៥០០ដុល្លារអាមេរិក