ទៅលេងសិង្ហបុរីលើកដំបូង ឃើញទិដ្ឋភាពនេះ តិចច្រឡំធំ
- 2018-01-15 03:03:05
- ចំនួនមតិ 0 | ចំនួនចែករំលែក 0
ទៅលេងសិង្ហបុរីលើកដំបូង ឃើញទិដ្ឋភាពនេះ តិចច្រឡំធំ
ចន្លោះមិនឃើញ
ធ្វើដំណើរចេញពីព្រលានយន្តហោះអន្តរជាតិ Changi ចូលទៅកាន់ទីក្រុងសិង្ហបុរី នៅតាមដងផ្លូវអ្នកនឹងសង្កេតឃើញកង់ជាច្រើនគ្រឿងចតចោលឥតសណ្ដាប់ធ្នាប់សឹងគ្រប់ទីកន្លែង។ អ្នកមិនដឹងប្រហែលអាចនឹងគិតថាជាកង់ដែលគេបោះចោល គ្មានម្ចាស់។
ប៉ុន្តែជាក់ស្ដែងទៅ កង់ដែលចតចោលទាំងនោះជាកង់សម្រាប់ឲ្យប្រជាពលរដ្ឋជួលជិះទៅវិញទេ ដែលវាជាសេវាកម្មមួយរបស់ក្រុមហ៊ុន Ofo។ ដើម្បីអាចយកជួលកង់ជិះបាន គ្រាន់តែបើកកម្មវិធីដើម្បីស្វែងរកកង់ដែលនៅក្បែរ រួចស្កេន Barcode នៅលើកង់ដើម្បីដោះសោ នោះជាការស្រេច។
នៅពេលដែលធ្វើដំណើរដោយជិះកង់នេះដល់គោលដៅហើយ អ្នកអាចចតកង់នៅកន្លែងណាក៏បានឲ្យតែត្រឹមត្រូវតាមច្បាប់ រួចចាក់សោកង់ដើម្បីបញ្ចប់ការប្រើប្រាស់សេវាកម្ម។ សេវាកម្មរបស់ក្រុមហ៊ុន Ofo មួយនេះ គិតកម្រៃមួយម៉ោង ១ ដុល្លារសិង្ហបុរី។
សេវាកម្មជួលកង់ជិះនេះ ទើបមានវត្តមាននៅក្នុងប្រទេសសិង្ហបុរីនៅចុងឆ្នាំ ២០១៧ កន្លងទៅ ហើយក៏មានវត្តមាននៅប្រទេសជាច្រើនទៀតដូចជាសហរដ្ឋអាមេរិក, ចក្រភពអង់គ្លេស, អូស្រ្តាលី, ជប៉ុន, ថៃ, ម៉ាឡេស៊ី, ចិន, រុស្សី និងអ៊ីតាលីជាដើម។
ក្រៅពីក្រុមហ៊ុន Ofo ក៏មានក្រុមហ៊ុនពីរទៀតមានបម្រើសេវាកម្មជួលកង់នេះនៅសិង្ហបុរី គឺ oBike និង Mobike ដែលមានតម្លៃប្រកួតប្រជែងគ្នា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
