គម្រោងលំនៅឋានបែបអាជីវកម្មថ្មី ចាប់ផ្ដើមសង់ នៅជាប់ផ្សារអ៊ីអន២ តម្លៃជាង ៣០ ម៉ឺនដុល្លារ

2018-01-15 08:27:55
ចំនួនមតិ 0 | ចំនួនចែករំលែក 0

ចន្លោះមិនឃើញ

គម្រោងអគារអាជីវកម្ម និងលំនៅឋាន The Premier Land បានចាប់ផ្ដើមដំណើរការបុកគ្រឹះសាងសង់ជាផ្លូវការហើយ កាលពីថ្ងៃទី១៣ មករា ដោយមានការចូលរួមពីបណ្ឌិត អៀង អូននី អភិបាលរងរាជធានីភ្នំពេញ ដោយគម្រោងនេះ មានទីតាំងជាប់នឹងរបងផ្សារទំនើបអ៊ីអន ២ តែម្ដង។

លោកឧកញ៉ា សេង ញ៉ក់ នាយកគ្រប់គ្រង The Premier Land ថ្លែងថា នៅក្បែរគម្រោងមិនដល់ ៩០០ ម៉ែត្រ មានហ៊ុមព័ទ្ធដោយគម្រោងពាណិជ្ជកម្មយ៉ាងច្រើន ដូចជា ផ្សារទំនើបម៉ាក្រូ GLOBAL HOUSE មជ្ឈមណ្ឌលសន្និបាត និងពិព័រណ៍សែនសុខ ជាដើម។

អគារអាជីវកម្ម និងលំនៅឋាននេះ នឹងសង់ឡើងមានកម្ពស់ ៤ ជាន់កន្លះ ទទឹងផ្ទះ ៤,៥ ម៉ែត្រ បណ្ដាយ ២៣ ម៉ែត្រ ឡៅតឿកម្ពស់ ២,៧ ម៉ែត្រ រួមទាំងបំពាក់ថាមពលអគ្គិសនី ៣ ហ្វា ដែលងាយស្រួលក្នុងការធ្វើអាជីវកម្មខ្នាតធំ ដោយមានតម្លៃចាប់ពី ៣២០.០០០ ដុល្លារឡើងទៅ។

The Premier Land ក៏មានទីធ្លាមុខផ្ទះប្រវែង ៥,៥ ម៉ែត្រ និងផ្លូវថ្នល់ធំទទឹង ១៤ ម៉ែត្រ ដែលអាចបើកបររថយន្តទៅមកបាន ៤ គន្លង ស្រួលសម្រាប់អ្នកចង់បើករបររកស៊ី។ សម្រាប់អ្នកចាប់អារម្មណ៍ អាចទាក់ទងលេខ ០១៧/០៨៩/០៨៧ ៨៨៨ ៣៥៥ ឬទៅទីស្នាក់ការកណ្ដាលរបស់ The Premier Land នៅអគារលេខ ៣៤៤ មហាវិថីម៉ៅសេទុង សង្កាត់ទួលស្វាយព្រៃ១ ខណ្ឌចំការមន៕