​ភ្នាក់ងារ​ទូរគមនាគមន៍​​ជាតិ​របស់​ប្រេស៊ីល​បាន​ចេញ​ផ្សាយ​លិខិត​បញ្ជាក់​របស់​ Galaxy S9/S9+ ដែល​មាន​បង្ហាញ​ព័ត៌មាន​ទាក់ទង​នឹង​ទំហំ​ថ្ម​ស្មាតហ្វូន​​ស្នង​តំណែង​ Galaxy S8/S8+ នេះ។

Galaxy S9 មាន​ថ្ម​ទំហំ​ ៣០០០ mAh ចំណែក​ឯ​ Galaxy S9+ មាន​ថ្ម​ទំហំ​ ៣៥០០ mAh។ ទំហំ​ថ្ម​នេះ​ដូច​គ្នា​នឹង​ទំហំ​ថ្ម​លើ​ Galaxy S8 និង Galaxy S8+ ដែរ។

ត្បិត​ថា​មាន​ទំហំ​ថ្ម​ដូច​មុន​ ប៉ុន្តែ​ត្រកូល​ Galaxy S9 ទាំង​ពីរ​នេះ​មាន​ប្រើ​បន្ទះ​ឈីប​ Snapdragon 845 និង​ Exynos 9810 ដែល​សន្សំសំចៃ​ថាមពល​បាន​ប្រសើរ​ជាង​មុន។ ជាក់​ស្ដែង​បន្ទះ​ឈីប​ Snapdragon 845 ប្រើ​ប្រាស់​ថាមពល​តិច​ជាង​ Snapdragon 835 ចំនួន​ ៣០%៕

ប្រភព៖ GSMarena   ប្រែ​សម្រួល៖ សុខហេង