រឿងអាស្រូវ Logan Paul ធ្វើឲ្យអ្នករកលុយតាម YouTube កាន់តែពិបាក
- 2018-01-17 03:32:19
- ចំនួនមតិ 0 | ចំនួនចែករំលែក 0
រឿងអាស្រូវ Logan Paul ធ្វើឲ្យអ្នករកលុយតាម YouTube កាន់តែពិបាក
ចន្លោះមិនឃើញ
ប្រព័ន្ធវីដេអូដ៏ធំជាងគេក្នុងលោក នឹងជម្រុះចោលមនុស្សរាប់ពាន់នាក់ចេញពីកម្មវិធី Ad Revenue-Sharing របស់ខ្លួន ហើយនឹងធ្វើឲ្យការសុំចូលរួមកម្មវិធីនេះកាន់តែពិបាកជាងមុន។
ការផ្លាស់ប្ដូរដែលមានប្រសិទ្ធភាពចាប់ពីថ្ងៃនេះ គឺជាការឆ្លើយតបមួយរបស់ YouTube ចំពោះការរិះគន់ជាច្រើនដែលខ្លួនទទួលបានទាក់ទងនឹងការបង្ហាញវីដេអូមិនសមរម្យលើប្រព័ន្ធរបស់ខ្លួនកាលពីឆ្នាំមុន។ ជាក់ស្ដែងដូចជាការអនុញ្ញាតឲ្យវីដេអូរបស់ Logan Paul ដែលបង្ហាញពីសាកសពមនុស្សចងក លេចមុខលើ YouTube និងអាចឲ្យម្ចាស់វីដេអូរកចំណូលពីវីដេអូដែលមិនសមរម្យនេះបានទៀតផង។
ការផ្លាស់ប្ដូរមួយទៀតលើ YouTube ដែលគេប្រទះឃើញកាលពីសប្ដាហ៍មុន គឺ YouTube បានធ្វើការរឹតបន្តឹងបន្ថែមលើកម្មវិធី "Google Preferred” ដែលជាកម្មវិធីរកលុយដ៏សំខាន់មួយរបស់អ្នកបង្កើតវីដេអូលើ YouTube។ ការរឹតបន្តឹងនោះគឺរាល់វីដេអូដែលស្ថិតក្នុងកម្មវិធី "Google Preferred” រួមជាមួយវីដេអូរាប់ពាន់ដែលបាន Upload កន្លងមក នឹងត្រូវឆ្លងកាត់ការត្រួតពិនិត្យពីមនុស្សផ្ទាល់ មិនពឹងផ្អែកលើប្រព័ន្ធកុំព្យូទ័រដូចមុន។
ការផ្លាស់ប្ដូរនេះមិនហាមឲ្យមានការបង្ហោះវីដេអូដែលមិនសមរម្យលើ YouTube នោះទេ ប៉ុន្តែនឹងធ្វើឲ្យម្ចាស់វីដេអូ ពិបាករកលុយពីវីដេអូដែលគេបង្ហោះនោះ។
YouTube ក៏បានកំណត់ច្បាប់ថ្មីមួយទៀតចំពោះគណនីដែលចង់រកលុយពីប្រព័ន្ធរបស់ខ្លួន ដោយត្រូវមានចំនួនទស្សនា ៤ ០០០ ម៉ោង ក្នុងអំឡុងពេល ១២ ខែ និងមានចំនួន Subscriber យ៉ាងតិច ១ ០០០ នាក់។ ច្បាប់នេះនឹងអនុវត្តន៍នៅថ្ងៃទី ២០ ខែកុម្ភៈខាងមុខ ដោយចូលជំនួសច្បាប់មុនដែលតម្រូវឲ្យគណនីមួយមានចំនួនអ្នកទស្សនា ១០ ០០០ ដង ដើម្បីអាចរកលុយពី YouTube បាន។
បន្ថែមពីនេះ Google ក៏បានប្រកាសឲ្យដឹងថានឹងជួលបុគ្គលិកចំនួន ១០ ០០០ នាក់បន្ថែមទៀតដើម្បីត្រួតពិនិត្យវីដេអូក្នុងកម្មវិធី "Google Preferred” របស់ខ្លួន នៅឆ្នាំ ២០១៨ នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
