ជួបគ្នា៥ដង ទីបំផុត អូប៉ ដាក់ចំណាត់ថ្នាក់ រឿង សោភ័ណ្ឌ បានហើយ

2018-01-18 02:50:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងរបស់ថៃដែលធ្វើឲ្យកក្រើកសង្វៀននានានៅប្រទេសកម្ពុជា អូប៉ ស.ថ. វីស៊ីត បានដាក់ចំំណាត់ថ្នាក់ឲ្យជើងខ្លាំង រឿង សោភ័ណ្ឌ ស្ថិតនៅកម្រិត B បន្ទាប់ពីពួកគេបានពាក់មុខយក្សដាក់គ្នាលើសង្វៀន៥ដង។

រឿង សោភ័ណ្ឌ(ក្រហម) និង អូប៉(ខៀវ)

អូប៉ ស.ថ. វីស៊ីត ប្រាប់ឲ្យដឹងថា អ្នកប្រដាល់របស់កម្ពុជា រឿង សោភ័ណ្ឌ ម្នាក់នេះគឺល្អ ជាពិសេសកណ្ដាប់ដៃតែម្ដង។ រូបគេស្គាល់យ៉ាងច្បាស់អំពីសមត្ថភាពរបស់កីឡាករកម្ពុជាម្នាក់តាមរយៈជួបគ្នា៥លើក។ នៅវគ្គផ្ដាច់ព្រ័ត្រចុងក្រោយនេះ រូបគេមិនសូវលំបាកខ្លាំងនោះទេ ប៉ុន្តែចាញ់ដោយសារភ្លាត់ស្នៀតប៉ុណ្ណោះ។ បើមិនមានការភ្លាត់នេះទេខ្សែក្រវាត់របស់ CNC នេះច្បាស់ជាបានទៅគេ។

រឿង សោភ័ណ្ឌ កណ្ដាល

ជើងខ្លាំងដែលធ្វើឲ្យអ្នកនិយមប្រដាល់នៅកម្ពុជាស្គាល់ច្បាស់ បានបញ្ជាក់ថា បើនិយាយពីសមត្ថភាព រឿង សោភ័ណ្ឌ មិនទាន់ឈានដល់កម្រិត A នៅឡើយទេ បើប្រៀបធៀបនឹងកីឡាករប្រដាល់នៅប្រទេសថៃ ប៉ុន្តែស្ថិតនៅកម្រិត B។

រឿង សោភ័ណ្ឌ(ក្រហម) និង អូប៉(ខៀវ)

កីឡាករថៃ អូប៉ ស.ថ. វីស៊ីត ឬ ថាវអូឡាង ធ្លាប់ជួបអ្នកប្រដាល់កម្ពុជា រឿង សោភ័ណ្ឌ ៥ដង មកហើយ ២ដងក្នុងកម្មវិធីខ្សែក្រវាត់ទម្ងន់ ៦៩គីឡូក្រាម នៅអាស៊ីអាគ្នេយ៍ ១ដងសម្រាប់ការប្រកួតមិត្តភាពនៅអាស៊ីអាគ្នេយ៍ និង ២ដង ចុងក្រោយកម្មវិធីខ្សែក្រវាត់នៅ CNC។ ជំនួបទាំង៥លើកនេះ អូប៉ ឈ្នះតែម្ដងគត់រាប់ទាំងការប្រកួតផ្ដាច់ព្រ័ត្រខ្សែក្រវាត់របស់ CNC កាលពីថ្ងៃទី១៣ មករា៕

អត្ថបទ៖ នួន ស៊ីណា