មកដឹង សុខ ធី និយាយអ្វីខ្លះពេលចូលរួមប្រកួតខ្សែក្រវាត់ដំបូងនៅកម្ពុជា
- 2018-01-17 06:47:25
- ចំនួនមតិ 0 | ចំនួនចែករំលែក 0
មកដឹង សុខ ធី និយាយអ្វីខ្លះពេលចូលរួមប្រកួតខ្សែក្រវាត់ដំបូងនៅកម្ពុជា
ចន្លោះមិនឃើញ
អ្នកប្រដាល់មានកេរ្តិ៍ឈ្មោះល្បី និងប្រកួតដោយបច្ចេកទេសខ្ពស់ សុខ ធី ថា រំពឹង៩០%នឹងឡើងដល់វគ្គផ្ដាច់ព្រ័ត្រ ឬអាចគ្រងខ្សែក្រវាត់គូបូតា ប៉ុន្តែដៃគូក៏ខ្លាំងៗគួរសមដែរ។
សុខ ធី បានឲ្យដឹងថា សម្រាប់ការប្រកួតនៅវគ្គដំបូងនេះមិនសូវជាលំបាកនោះទេ ព្រោះប៉ះដៃគូវ៉ៃមួយៗដូចគ្នាដូច្នេះមិនសូវហត់ឡើយ។ ជ័យជម្នះដំបូងនេះធ្វើឲ្យអ្នកប្រដាល់រូបនេះមានសង្ឃឹមច្រើននឹងបន្តដំណើរដល់វគ្គផ្ដាច់ព្រ័ត្រ ឬឈានដល់ការគ្រប់គ្រងខ្សែក្រវាត់ទម្ងន់ ៥៧គីឡូក្រាមមួយនេះ។
អ្នកប្រដាល់ឧស្សាហ៍ឡើងសង្វៀននៅប្រទេសថៃខាងលើបន្ថែមថា បើមើលពីការប្រកួតរបស់កីឡាករថៃ និងឡាវប៉ុន្មាននាក់ទៀតនោះ ក៏មិនអន់នោះដែរ តែក៏មានជាឧបសគ្គដល់រូបគេនោះទេ ហើយខ្លួននឹងខំប្រឹងបន្ថែមការហ្វឹកហាត់ឲ្យខ្លាំងជាងនេះទៅទៀត។
នេះជាលើកទី២ហើយដែលអ្នកលេងគុនខ្មែរវ័យក្មេង សុខ ធី ឬ កាកា ចូលលេងខ្សែក្រវាត់ខណៈលើកទី១បានធ្លាក់នៅត្រឹមវគ្គ៨នាក់ចុងក្រោយនៅឯប្រទេសថៃ។ ប្រកួតដំបូងជើងខ្លាំងមកពីខេត្តបន្ទាយមានជ័យរូបនេះផ្ដួលថៃឲ្យខូចជើងត្រឹមទឹកទី៤ មាន៣ពិន្ទុក្នុងដៃ ខណៈ ឡុង ជិន ៣ពិន្ទុដែរ រីឯ ពេជ្រ ម្ទេសខ្មាំង ចាញ់កីឡាករឡាវ មាន១ពិន្ទុ ហើយ ចាន់ ស៊ីណាត នឹងត្រូវប៉ះថៃសប្ដាហ៍នាប្រកួតដំបូងរបស់ខ្លួន៕