រំភើបចង់ហោះ! តិចទៀតមានផ្លូវថ្មើរជើងពីកោះពេជ្រ ដល់គល់ស្ពានព្រះមុនីវង្ស

2018-01-19 07:48:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាដំណឹងដ៏ល្អមួយ សាលារាជធានីភ្នំពេញ នឹងចាប់ផ្ដើមអនុវត្តសិក្សាគម្រោងសាងសង់ផ្លូវថ្មើរជើង ស្របតាមមាត់ទន្លេដំណាក់កាលទី២ ចាប់ពីចំណុចស្ពានភ្លោះកោះពេជ្រ រហូតដល់គល់ស្ពានព្រះមុនីវង្ស ចាប់ពីថ្ងៃទី២២ ខែមករា ឆ្នាំ២០១៨នេះហើយ។

ប្លង់គំរូ រូបភាព៖ រដ្ឋបាលរាធានីភ្នំពេញ

គោលដៅសំខាន់ក្នុងសង់ស្ពានថ្មើរជើងថ្មី គឺដើម្បីលើកកម្ពស់សោភណភាព និងរៀបចំសណ្ដាប់ធ្នាប់នៅតាមច្រាំងទន្លេឲ្យបានរៀបរយ សំដៅបម្រើឲ្យការកម្សាន្តរបស់ប្រជាពលរដ្ឋទូទៅ។ នេះបើតាមសេចក្ដីជូនដំណឹងរបស់សាលារាជធានីភ្នំពេញ។

ដូច្នេះដើម្បីឲ្យការអនុវត្តគម្រោងនេះប្រព្រឹត្តទៅដោយរលូន និងទទួលបានលទ្ធផលតាមការគ្រោងទុក រដ្ឋបាលរាជធានីភ្នំពេញ បានស្នើឲ្យពលរដ្ឋ និងអ្នកពាក់ព័ន្ធទាំងអស់ ដែលមានលំនៅដ្ឋាន ឬអាជីវកម្មដ្ឋាន ដែលកំពុងអាស្រ័យផល នៅទីតាំងខាងលើ ធ្វើការរៀបចំរុះរើចេញជាបន្ទាន់នូវចំណែកនៃសំណង់ផ្សេងៗ ដែលបានលយចូលច្រាំងទន្លេសាធារណៈ និងត្រៀមរៀបចំឯកសារផ្សេងៗពាក់ព័ន្ធនឹងសិទ្ធិ ឬការកាន់កាប់៕

អត្ថបទ៖ វឌ្ឍនៈ