ពូនព្រិលចេញជារូបឡាន ប៉ូលិសអត់ដឹងមកផាកពិន័យ និងទុកសំបុត្រមួយច្បាប់

  • 2018-01-21 02:30:08
  • ចំនួនមតិ

ចន្លោះមិនឃើញ

លោក Simon Laprise បាន​ពូន​ព្រិល​ចេញ​ជា​រូប​ឡាន ដែល​មាន​ទំហំ​ប៉ុន​ឡាន​ធម្មតា​មួយ​គ្រឿង ដើម្បី​បញ្ឆោត​អ្នក​ឈូស​ព្រិល ប៉ុន្តែ​វា​បាន​ទាក់ទាញ​ចំណាប់​អារម្មណ៍​របស់​ប៉ូលិស​នៅ​ក្នុង​តំបន់​ជំនួស​វិញ។

បុរស​ជនជាតិ​កាណាដា​វ័យ ៣៣ ឆ្នាំ មក​ពី​ទីក្រុង Montreal ខាង​លើ​បាន​និយាយ​ថា វា​គ្រាន់តែ​ជា​ការ​កំប្លែង​លេង​ប៉ុណ្ណោះ ប៉ុន្តែ​ប៉ូលិស​បាន​ព្យាយាម​ពិន័យ​ឡាន​ព្រិល​នោះ​ពី​បទ ចត​ខុស​ច្បាប់

«ខ្ញុំ​បាន​ធ្វើ​ឡាន​នោះ​ដើម្បី​បង្ហាញ​ពី​ភាព​ច្នៃប្រឌិត​របស់​ខ្ញុំ​ប៉ុណ្ណោះ។ វា​ដូច​ទៅ​នឹង​ឡាន​ម៉ាក DeLorean DMC-12 អីចឹង»។ នេះ​បើ​តាម​សម្តី លោក Laprise ប្រាប់​ទៅ​កាន់​គេហទំព័រ Buzzfeed។

យ៉ាងណាមិញ នៅ​ពេល​ត្រួតពិនិត្យ ប៉ូលិស​ក៏​បាន​កំណត់​អត្តសញ្ញាណ​ឡាន​ព្រិល​នោះ ហើយ​ក៏​បាន​ទុក​សំបុត្រ​ក្លែងក្លាយ​មួយ​នៅ​លើ​នោះ ដោយ​សរសេរ​ថា «You made our night!!! HAHAHAHAHA :)»៕

ចុច​អាន៖


ប្រភព៖ Boredpanda ប្រែ​សម្រួល៖ សេង ឡុង