៧សន្លឹក បង្កឲ្យកើតរឿងរ៉ាវចម្រូងចម្រាសខ្លាំង កាលពីអតីតកាល

2018-01-21 07:20:06
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សយើងតែងតែឆ្លងកាត់ពេលវេលាលំបាក និងការតស៊ូ ដើម្បីទទួលបានសិទ្ធិស្មើគ្នា ដែលអនុញ្ញាតឲ្យយើងអាចរស់នៅក្នុងសង្គមទំនើបនេះយ៉ាងសុខស្រួល។ សព្វថ្ងៃ មនុស្សគ្រប់គ្នាអាចជ្រើសរើសអ្វីដែលជាចំណង់ចំណូលចិត្ត និងការងារដែលពួកគេចង់ធ្វើបាន។ ផ្ទុយទៅវិញ វាមិនដូច្នោះទេ ចំពោះមនុស្សដែលរស់នៅកាលពីអតីតកាល។

ខាងក្រោមនេះគឺជារឿងរ៉ាវប្រវត្តិសាស្ត្រទាំង ៧ ដែលបង្កឲ្យមានភាពចម្រូងចម្រាសខ្លាំង កាលពីអតីតកាល៖

#១ នៅឆ្នាំ ១៩៦៧ នាង Kathrine Switzer គឺជាស្ត្រីទីមួយដែលបានចូលរួមរត់ម៉ារ៉ាតុងបូស្តុន។ វាបានកើតឡើងរយៈពេល ៥ ឆ្នាំ មុនពេលដែលស្ត្រីត្រូវបានអនុញ្ញាតឲ្យចូលរួមនៅក្នុងការរត់ប្រណាំងនោះ។ នៅក្នុងរូបភាពនេះ អ្នករៀបចំម្នាក់កំពុងព្យាយាមចាប់នាងចេញ។

#២ នាង Maud Wagner ដែលជាអ្នកសាក់រូបស្រីដំបូងបង្អស់ បានសាក់ពេញរាងកាយរបស់នាង នៅឆ្នាំ១៩០៧។

#៣ នារីវ័យក្មេង ២នាក់នេះបានដើរនៅទីសាធារណៈ ដោយស្លៀកខោជើងខ្លីបង្ហាញសាច់ នៅក្នុងទីក្រុង Toronto ប្រទេសកាណាដា ក្នុងឆ្នាំ១៩៣៧។

#៤ សមាជិកចលនាបោះឆ្នោតស្រ្តីអង់គ្លេស បានតស៊ូដើម្បីទទួលបានសិទ្ធិបោះឆ្នោតសម្រាប់ស្ត្រី នៅទីក្រុង London ក្នុងឆ្នាំ១៩០៦។

#៥ នាង Annette Kellermann ដែលជាអ្នកហែលទឹកអាជីព , តារាភាពយន្ត និងអ្នកនិពន្ធ បានស្លៀកឈុតហែលទឹកថតរូប។ ក្រោយមកនាងត្រូវបានចាប់ខ្លួន និងចោទប្រកាន់ពីបទអាកប្បកិរិយាមិនសមរម្យ នៅឆ្នាំ១៩០៧។

#៦ ស្ត្រីរូបនេះត្រូវបានចាប់ខ្លួនដោយសារតែស្លៀកពាក់ឈុតហែលទឹក និងបង្ហាញសាច់ជើងរបស់នាង នៅទីក្រុង Chicago ក្នុងឆ្នាំ១៩២២។

#៧ នាង Elizabeth Eckford គឺជាសិស្សស្រីស្បែកខ្មៅតែម្នាក់គត់ និងដំបូងគេបង្អស់ក្នុងចំណោមសិស្សអាហ្វ្រិក-អាមេរិក ដែលបានចូលរៀន។ រូបថតនេះត្រូវបានថតក្នុងឆ្នាំ ១៩៥៧ ភ្លាមៗបន្ទាប់ពីតុលាការកំពូលនៃសហរដ្ឋអាមេរិក បានសម្រេចថា វាជាអំពើខុសច្បាប់ក្នុងការដាក់កុមារ (ស្បែកស និង ស្បែកខ្មៅ) ឲ្យរៀនដាច់ដោយឡែកពីគ្នានៅក្នុងសាលាតែមួយ៕