ស្គាល់ឲ្យហើយទៅ ក្រុមហ៊ុនធំៗ ៨ ក្រោមការគ្រប់គ្រងរបស់ Alibaba

2018-01-23 09:39:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Alibaba Group Holidng Ltd. មិនត្រឹមតែជាហាងលក់ទំនិញយក្សក្នុងប្រទេសចិន ទៀតសោតក៏មានសក្ដានុពលទូទាំងពិភពលោក។ ឈរលំដាប់ទី ១ តាមពីក្រោយដោយក្រុមហ៊ុន Wal-Mart Stores Inc.។

ស្ថិតក្នុងការចែកចាយជាបណ្ដាញច្រើនជាង ២០០ ប្រទេស បែបនេះ Sabay លើកយកក្រុមហ៊ុនធំៗចំនួន ៨ នៃបណ្តាដៃគូសហការជាច្រើនទៀត ដែលសេដ្ឋី Jack Ma កំពុងកាន់កាប់។

១.Lazada:

ប្រកាសជាសាធារណៈកាលពីខែមិថុនា ឆ្នាំ ២០១៧ ដោយ Alibaba នឹងចូលរួមវិនិយោគ ១ ប៊ីលានដុល្លារបន្ថែមទៅកាន់ Lazada Group SA ជាកត្តាជំរុញឲ្យភាគហ៊ុនកាន់កាប់ទាំងមូលឡើងដល់ ៨៣ ភាគរយ។

Lazada ជាគេហទំព័រពាណិជ្ជកម្មអេឡិចត្រូនិកមួយដែលផ្ដោតលើប្រទេស ៦ក្នុងប៉ែកអាស៊ីអាគ្នេយ៍រួមមាន វៀតណាម, ឥណ្ឌូណេស៊ី, ម៉ាឡេស៊ី, សិង្ហបុរី, ហ្វីលីពីន និងថៃ។

២.South China Morning Post:

ក្រុមហ៊ុនវ័យចំណាស់មានមូលដ្ឋានក្នុងប្រទេសហុងកុង ត្រូវបាន Alibaba ជះលុយ ២៦៦ លានដុល្លារទិញយកកាលពីខែធ្នូ ឆ្នាំ ២០១៥ ជាផ្នែកនៃផែនការបង្កើនការផ្សព្វផ្សាយក៏ដូចជាអាជីវកម្មគ្រឿងកម្សាន្តបន្ថែមទៀត។

៣.AutoNavi:

ក្នុងឆ្នាំ ២០១៤ ក្រុមហ៊ុនបង្កើតផែនទីប្រទេសចិន AutoNavi ត្រូវបាន Alibaba ទិញយក ដោយមិនបានបញ្ជាក់ទំហំចំណាយ។ ប៉ុន្តែក្រុមហ៊ុនធំមួយនេះ ក៏បានផ្គត់ផ្គង់ប្រព័ន្ធផែនទីទំនើបឲ្យ Google អស់រយៈកាលរាប់ទសវត្សមកហើយ បន្សំនឹងទំនាក់ទំនងជិតស្និទ្ធជាមួយក្រុមហ៊ុនលោក Tim Cook ថែមទៀតផង។ បច្ចុប្បន្នមានអ្នកប្រើប្រាស់លើសពី ១០០ លាននាក់ ហើយក្លាយជាកម្មវិធីល្អផ្ដាច់គេក្នុងប្រទេសមហាអំណាច។

៤.Taobao:

Alibaba បានបង្កើត Taobao នាឆ្នាំ ២០០៣ ដោយជាទីផ្សារលក់ Online ក្នុងស្រុក មានភាពស្រដៀងនឹង eBay និង Amazon របស់អាមេរិក។ ជួនពេលលេចគេហទំព័រនេះឡើង ក៏ស្របពេលដែល eBay បានទិញយកគេហទំព័រដេញថ្លៃ Eachnet របស់ចិនដូចគ្នា ម្ល៉ោះក៏មានការប្រកួតប្រជែងរវាងក្រុមហ៊ុនទាំង ២ យ៉ាងក្ដៅគគុក។

៥.Alipay:

ជាក្រុមហ៊ុនទូទាត់ទំនិញឌីជីថលធំបំផុតក្នុងពិភពលោក មានអ្នកប្រើលើស ៤០០ លាននាក់ ហើយរកឃើញដោយ Alibaba នាឆ្នាំ ២០០៤។ ក្រៅពីយកឈ្នះលើ PayPal ហើយនោះ ទៀតសោតក៏បានចាប់ដៃជាមួយ Yelp កាលពីឆ្នាំ ២០១៧ ក្នុងគោលដៅពង្រីកអាជីវកម្មរបស់ខ្លួនបន្ថែម។

គូសបញ្ជាក់ថា Alipay បានសហការជាមួយដៃគូទូទាត់ទំនិញទង ៦៥ ដូចជា MasterCard និង Visa ហើយផ្តល់សេវាកម្មទូទាត់សាច់ប្រាក់លើការទំនិញតាមគេហទំព័រធំៗ ដូចជា Taobao ជាដើម។

៦.Alibaba Pictures Groups:

នេះជាឈ្មោះថ្មីរបស់ក្រុមហ៊ុន ChinaVision Media ក្រោយពេលក្រុមហ៊ុនលោក Ma ប្រកាសទិញយកភាគហ៊ុន ៦០ ភាគរយស្មើនឹង ៨០៤ លានដុល្លារកាលពីឆ្នាំ ២០១៤។ ជាក្រុមហ៊ុនផ្តល់សេវាកម្សាន្តផ្នែកភាពយន្តធំបំផុតចាប់តាំងពីឆ្នាំ ២០១៥ ក្នុងប្រទេសចិន។

៧.Aliwangwang និង Laiwang:

នៅឆ្នាំ ២០០៤ ដើម្បីភ្ជាប់ទំនាក់ទំនងរវាងអ្នកទិញនិងអ្នកលក់លើគេហទំព័រ Taobao ក្រុមហ៊ុន Alibaba ក៏ប្រកាសបន្ថែមពីសេវាកម្មផ្ញើសារ Aliwangwang ហើយបច្ចុប្បន្នជាប់លំដាប់ទី ២ ក្នុងប្រទេស។

រហូតដល់ឆ្នាំ ២០១៣ ក្រុមហ៊ុនក៏ប្រកាសស្រដៀងគ្នានូវកម្មវិធីមួយទៀត Laiwang ដើម្បីជាផែនការផ្តួល WeChat របស់ក្រុមហ៊ុនអ៊ីនធឺណិត Tencent។

៨.Ali Health Information Technology:

ជាក្រុមហ៊ុនផ្តល់សេវាថែទាំសុខភាព បានប្រកាសឲ្យប្រើប្រាស់កាលពីឆ្នាំ ២០១៤ ដោយមានភាគហ៊ុន ៥៤ ភាគរយ ចំណាយសាច់ប្រាក់ប្រហែល ៤៨៨.៣ លានដុល្លារ។

ប្រភព: https://www.investopedia.com/insights/10-companies-owned-alibaba/?utm_source=facebook&utm_medium=social&utm_campaign=shareurlbuttons