ខ្លាំង! ក្រុមហ៊ុននៅវៀតណាមជាច្រើនឲ្យបុគ្គលិកសម្រាកមុនម៉ោងចាំមើល U23

2018-01-23 03:16:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនជាច្រើននៅប្រទេសវៀតណាមបានអនុញ្ញាតឲ្យបុគ្គលិកសម្រាកនៅថ្ងៃត្រង់នេះ ដើម្បីរកចាំមើលការប្រកួតបាល់ទាត់របស់យុវជនពួកគេឡើងលេងវគ្គ៤ក្រុមចុងក្រោយជាប្រវត្តិសាស្ត្រក្នុងកម្មវិធី AFC U23 Championship ក្នុងប្រទេសចិន។

ចប់៩០នាទីស្មើគ្នា ៣-៣ វៀតណាមបានប៉េណាល់ទីយកឈ្នះអ៊ីរ៉ាក់ ៥-៣ សាងប្រវត្តិសាស្ត្រឡើងវគ្គ semifinal ជាលើកដំបូងកាលពីយប់ថ្ងៃសៅរ៍សប្ដាហ៍មុន។ U23 វៀតណាមនឹងមានភារកិច្ចលេងនៅវគ្គពាក់កណ្ដាលផ្ដាច់ព្រ័ត្របន្តទៀតទល់នឹងប្រទេសកាតា នៅទីក្រុង Changzhou រសៀលម៉ោង៣ ថ្ងៃអង្គារនេះ។

ឆ្លើយតបនឹងការគាំទ្រយ៉ាងខ្លាំងពីសំណាក់អ្នកគាំទ្រ ក្រុមហ៊ុននៅវៀតណាមជាច្រើនបានសម្រេចឲ្យបុគ្គលិកសម្រាកពេលថ្ងៃត្រង់ដើម្បីរកចាំមើលការប្រកួតជម្រើសជាតិពួកគេ។ ក្រុមហ៊ុន Hanoi-based Khanh An Co បានចេញសេចក្ដីប្រកាសឲ្យបុគ្គលិកទាំងអស់សម្រាកមុនម៉ោង១ថ្ងៃត្រង់ និងឲ្យសម្រាកថ្ងៃស្អែកមួយថ្ងៃ ប្រសិន U២៣ ខ្លួនឡើងវគ្គផ្ដាច់ព្រ័ត្រ។