បញ្ហា Mbappe មិនអាចជាទាន់ ពេលលេងទល់ Madrid ជារឿងមិនពិត
- 2018-01-24 03:31:22
- ចំនួនមតិ 0 | ចំនួនចែករំលែក 0
បញ្ហា Mbappe មិនអាចជាទាន់ ពេលលេងទល់ Madrid ជារឿងមិនពិត
ចន្លោះមិនឃើញ
កាលពីថ្មីៗនេះមានសារព័ត៌មានជាច្រើនបានចុះផ្សាយថា កីឡាករវ័យក្មេង Kylian Mbappe នឹងមិនអាចចូលលេងបានទេ ពេល Paris Saint-Germain លេងទល់ Real Madrid នៅខែក្រោយ ព្រោះតែរបួសក្បាល។
ពាក់ព័ន្ធនឹងរឿងនេះលោក Unai Emery ដែលជាអ្នកចាត់ការក្រុម PSG បានច្រានចោលព័ត៌មានខាងលើទាំងស្រុកនិងបញ្ជាក់ថា Mbappe គឺមិនអីទេ និងអាចជួយក្រុមលេងទល់នឹង Madrid នៅ Champions League វគ្គ១៦ក្រុម។ មិនត្រឹមតែប៉ុណ្ណោះកីឡាករផ្ទាល់ថែមទាំងចង់លេងប្រកួតយប់នេះទៀតផង។
យ៉ាងណាដោយសារតែរបួសមិនទាន់ជា១០០% កីឡាករបារាំងរូបនេះ ត្រូវបានលោកEmery មិនទាន់អាចដាក់បញ្ចូលក្នុងបញ្ជីឈ្មោះដើម្បីលេងជាមួយ Guingamp ក្នុងពាន Coupe de France និងប៉ះជាមួយ Montpellier នៅចុងសប្ដាហ៍នេះក្នុងលីគបានឡើយ។ ស្របគ្នានេះ មិត្តរួមក្រុម Neymar ក៏មិនអាចលេងដែរនៅថ្ងៃនេះ ដោយសារក្នុងព្យាបាលរបួសសាច់ដុំភ្លៅ។
Kylian Mbappe បានទទួលរងរបួសក្បាល គ្រាប៉ះទង្គិចជាមួយអ្នកចាំទី អំឡុងពេល PSG លេងទល់នឹង Lyon កាលពីថ្ងៃអង្គារដើមសប្ដាហ៍នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
