ជួយក្រុមឡើងផ្ដាច់ព្រ័ត្រ អ្នកចាំទីវៀតណាម ត្រូវតារាស្រីៗសុំស្រឡាញ់ព្រាត

2018-01-24 07:36:33
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីជួយវៀតណាមឡើងវគ្គពាក់កណ្ដាល និងជាពិសេសឈានដល់វគ្គផ្ដាច់ព្រ័ត្រ 2018 AFC U-23 Championship កាលពីម្សិលមិញក្រោយឈ្នះប៉េណាល់ទីលើប្រទេសកាតា អ្នកចាំទីវ័យក្មេង២០ឆ្នាំ Bui Tien Dung កំពុងដក់ក្នុងចិត្តអ្នកគាំទ្រ ជាពិសេសស្រីៗ។

អ្នកចាំទី Bui Tien Dung

កាលពីម្សិលមិញមានរឿងភ្ញាក់ផ្អើលជាខ្លាំងលើបណ្ដាញសង្គមហ្វេសប៊ុក ព្រោះមានតារាចម្រៀងនិងម៉ូដែលស្រីជាច្រើនដូចជា Angela Phuong Trinh, Bao Anh , Do My LinhនិងToc Tien បានសារភាពស្នេហ៍លើអ្នកចាំទី Bui Tien Dung។

ជារឿងដ៏ចាប់អារម្មណ៍ក្នុងចំណោមតារាស្រីទាំងអស់ Bui Tien Dung បានចាប់អារម្មណ៍ឆ្លើយឆ្លងជាមួយបវរកញ្ញាវៀតណាមឆ្នាំ២០១៦ Do My Linh ជាងគេ។ My Linh វ័យ២១ឆ្នាំបានសរសើរពីភាពសង្ហារនិងទេពកោសល្យទៅអ្នកទីវ័យក្មេង ខណៈអ្នកទាំងពីរខុសត្រូវគ្នាមួយឆ្នាំ ពោលខាងស្រីបងខាងប្រុស។ ចំពោះសារទាក់ទង My Linh បារម្ភពីអាយុខុសគ្នានេះណាស់ តែ Bui Tien Dung បានតបវិញថា ស្នេហ៍គិតពីអាយុគឺជារឿងចាស់គំរឹល។

បវរកញ្ញាវៀតណាមឆ្នាំ២០១៦ Do My Linh

Bui Tien Dung កាន់តែមានក្ដីរំភើបថែមទៀត នៅពេលដែល My Linh ប្រាបថានឹងទៅប្រទេសចិននៅថ្ងៃទី ២៧ ខែ មករានេះដើម្បីទៅលើកទឹកចិត្ត ពេលវៀតណាមជួប អ៊ូសបេគីស្ថាន វគ្គផ្ដាច់ព្រ័ត្រ៕