ភរិយា​របស់​ Song Joong Ki បាន​បង្ក​ការ​ភ្ញាក់ផ្អើល​ពេញ​អ៊ីនធឺណិត​ ពេលបង្ហាញ​ខ្លួន​ក្នុង​កម្មវិធី​បង្ហាញ​ម៉ូត​មួយ​កាល​ពី​ថ្ងៃ​ទី​ ២២ ខែ​មករា។

បង្ហាញ​វត្តមាន​ក្នុង​កម្មវិធី​ "Dior Fashion Week” សម្រាប់​ឈុត​រដូវ​ក្ដៅ​ឆ្នាំ​ ២០១៨​ ជុំគ្នា​ជាមួយ​ស្វាមី​ Song Joong Ki ក្នុង​ទីក្រុង​ប៉ារីស ប្រទេស​បារាំង Song Hye Kyo បាន​ទាញ​ចំណាប់អារម្មណ៍​មហាជន​ជុំវិញ​ខ្លួន​ជា​ច្រើន។

សម្រស់​ដ៏​ទាក់ទាញ​ អម​ជាមួយ​ឈុត​ដ៏​ទាន់​សម័យ​ តួ​ស្រី​ក្នុង​រឿង​ "Descendants of the Sun” រូប​នេះ​ពិត​ជា​លេចធ្លោ និង​​បង្ហាញ​យ៉ាង​ច្បាស់​ថា​នាង​នៅ​តែ​មាន​សម្រស់​ឥត​ខ្ចោះ​ក្មេង​ជាង​វ័យ​ និង​ស្រស់ស្រាយ​លើស​ដើម​ ក្រោយ​រៀបការ​រួច ទោះ​បច្ចុប្បន្នមាន​អាយុ​ ៣៦​ឆ្នាំ​ក៏​ដោយ៕

ប្រភព៖ kstarlive   ប្រែ​សម្រួល៖ យី សុធារី