Xhaka ជួយឲ្យ Arsenal ឡើងទៅជួប Man City នៅវគ្គផ្ដាច់ព្រ័ត្រ

2018-01-25 01:29:54
ចំនួនមតិ 0 | ចំនួនចែករំលែក 0

ចន្លោះមិនឃើញ

Arsenal បានឡើងទៅវគ្គផ្ដាច់ព្រ័ត្រ League Cup ហើយក្រោយយកឈ្នះ Chelsea នៅជើងទីពីរដោយលទ្ធផល ២ទល់នឹង១។ កាលពីជើងទីមួយនៅទឹកដី Stamford Bridge ក្រុមទាំងពីរបានត្រឹមស្មើគ្នា ០-០ ប៉ុណ្ណោះ។

ជំនួបកាលពីយប់មិញ ទាំង Arsenal និង Chelsea សុទ្ធតែទុកអ្នកចាំទីដៃទីមួយ និងដាក់កីឡាករបម្រុងមួយចំនួនលាយឡំគ្នា។ គ្រាប់ដំបូងកើតឡើងនាទី ទី៧ ជាការស៊ុតរបស់ Hazard។ យ៉ាងណាកាំភ្លើងធំសងវិញក្ដៅៗនៅនាទី១២ ជាការតែតរបស់ Monreal ទៅបុកខ្សែការពារអាល្លឺម៉ង់ Rüdiger ហើយបាល់លោតចូលទី។

វគ្គទីពីរភ្ញៀវប្រឹងបុកយ៉ាងខ្លាំងតែមិនបានសម្រេច ផ្ទុយទៅវិញត្រូវ Arsenal ថែមមួយគ្រាប់ទៀតនៅនាទី ៦០ ក្រោយ Lacazette បញ្ជូនឲ្យ Xhakaស៊ុតបញ្ចូលទី។ ជ័យជម្នះនេះធ្វើឲ្យក្រុមលោក Wenger ឡើងទៅប៉ះ Manchester City វគ្គផ្ដាច់ព្រ័ត្រនៅថ្ងៃទី ២៥ ខែកុម្ភៈ ឆ្នាំ២០១៨៕