ជើងខ្លាំងថតរូប ថតវីដេអូ ៥ រូប រួមគ្នាបង្រៀនក្បួនថត អត់យកលុយម៉ារៀល

2018-01-25 09:02:18
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំនាញបទពិសោធពេញខ្លួន ៥ រូប នឹងត្រៀមជុំជើងគ្នាចែករំលែកមេរៀនពីការថតរូប ថតវីដេអូដោយឥតគិតថ្លៃចាប់ពីថ្ងៃសុក្រនេះទៅ គឺថ្ងៃទី ២៦-២៨ មករា នៅផ្សារទំនើបអ៊ីអន ជាន់ផ្ទាល់ដី Daylight Plaza ក្នុងកម្មវិធី Sony Alpha Festival 2018។

វាគ្មិនទាំង ៥ រូបដែលត្រៀមឡើងចែករំលែកចំណេះដឹង មាន៖

១. Pu Sam (ថ្ងៃទី២៦ ម៉ោង ៦:៣០ – ៨:៣០ ល្ងាច និយាយពីការថតរូបបែប Portrait និងគន្លឹះក្នុងការកែរូប)៖

អ្នកជំនាញកើតក្នុងត្រកូលកសិករ ហើយធំដឹងក្ដីមិនស្គាល់អ្វីហៅថាកាមេរ៉ាស្រួលបួលផងនោះ បានក្លាយជាជើងខ្លាំងខាងផ្នែកថតរូបមនុស្ស បើទោះមនុស្សនោះស្អាត ឬមិនស្អាតក៏ដោយ ក៏លោកអាចថតចេញមកមើលទៅគួរឲ្យទាក់ទាញ។ Pu Sam ជំនាញខាងរូបបែប Portrait និង Fashion។

ស្នាដៃ Pu Sam

**២. លោក កឹម សុវណ្ណា (ថ្ងៃទី២៧ ម៉ោង ៣:៣០ - ៥:៣០ ល្ងាច និយាយពីការថតរូបកីឡា និងដំណើរកម្សាន្ត)៖**

រាល់ពេលមានការប្រកួតកីឡា ពិសេសកីឡាបាល់ទាត់ម្ដងៗ មិនសូវរំលងមុខនៅទីលានទេ ហើយរូបចេញមកក៏មិនមែនលំៗឡើយ ដោយអាចនិយាយបានថា សឹងតែស៊ីដាច់គេខាងផ្នែកថតរូបកីឡានេះហើយ។ លោក កឹម សុវណ្ណា ត្រូវគេស្គាល់ថាជាអ្នកថតរូបកីឡាបាល់ទាត់ល្បីនៅកម្ពុជា ហើយពេលខ្លះមិនបានចំណូលសូម្បីមួយសេន ពីការថតរូបកីឡានោះ ដោយសារតែលោកស្រលាញ់។

ស្នាដៃលោក កឹម សុវណ្ណា

៣. លោក សួង ម៉ារ៉ាឌី (ថ្ងៃទី២៧ ម៉ោង ៦:៣០ – ៨:៣០ ល្ងាច ប្រធានបទពី Mastering Art of Composition)៖

អ្នកជំនាញដែលទើបនឹងទទួលបានការមើលរូប (view) ដល់ទៅ ៤ លានដងនៅលើ 500px ដែលជាវិបសាយប្រមូលផ្ដុំទៅដោយរូបថតរបស់អ្នកជំនាញជាច្រើនលើពិភពលោកនោះ ក៏មានវត្តមានក្នុងកម្មវិធីដែរ ដោយលោកផ្ទាល់ខ្លាំងខាងថតរូបទេសភាព និងដំណើរកម្សាន្ត។ លោកបង្ហើបពីក្បួនខ្នាតនៃការថតរូបនៅក្នុងកម្មវិធីនេះ។

ស្នាដៃ លោក សួង ម៉ារ៉ាឌី

៤. លោក មាស រស្មី (ថ្ងៃទី២៨ ម៉ោង ៣:៣០ – ៥:៣០ ល្ងាច និយាយពីក្រុមការងារ និងសម្ភារៈក្នុងការថតរឿងខ្លី)៖

គ្រាន់តែឃើញប្រធានបទរបស់ស្ថាបនិក Studio 4 រូបនេះត្រៀមនឹងនិយាយ ក៏អាចដឹងពីជំនាញលោកដែរ គឺជំនាញខាងផ្នែកថតរឿងកុន រឿងភាគ ឬរឿងខ្លីជាដើម។ លោកនឹងពន្យល់ពីការប្រើប្រាស់ធនធានក្នុងការថតរឿង មិនថាធនធានមនុស្ស ឬសម្ភារៈឡើយ។

៥. លោក ឆេង សុភ័ក្ត្រ (ថ្ងៃទី២៨ ម៉ោង ៦:៣០ - ៨:៣០ល្ងាច បទបង្ហាញពី Vloging និងការកាត់តវីដេអូ)៖

ម្ចាស់ផេករៀនថត ដែលបង្រៀនពីរបៀបថតរូប កែរូប ថតវីដេអូ កាត់វីដេអូ និងរឿងផ្សេងៗទៀតទាក់ទងនឹងកាមេរ៉ានៅលើហ្វេសប៊ុករូបនេះ ជាវាគ្មិនចុងក្រោយ ហើយស្នាដៃខាងថតរូបទេសភាពរបស់លោកក៏មិនណយដែរ។ លោក ឆេង សុភ័ក្ត្រ បញ្ចប់ការសិក្សាមកពីមហាវិទ្យាល័យ Middlebury College ខាងផ្នែក Philosophy and Studio Art ។

ស្នាដៃលោក ឆេង សុភ័ក្ត្រ

កាន់តែពិសេសមិនធ្លាប់មាន Sony Alpha Festival 2018 នឹងមានប្រូម៉ូសិនពិសេសជាច្រើនរាល់ការទិញកាមេរ៉ា Lense កាមេរ៉ា ឬទូរសព្ទ Sony ដោយបញ្ចុះតម្លៃរាប់រយដុល្លារ ផ្ដល់កាដូផ្សេងៗ និងឆ្នោតផ្សេងសំណាងដែលក្រុមហ៊ុនធានាថាឈ្នះរង្វាន់ ១០០% ដល់រាប់រយដុល្លារផងដែរ។

ចាំអង្កាល់ទៀត! លក់ប្រូម៉ូសិនច្រើនហើយ មានទាំងអ្នកជំនាញបង្រៀនអត់យកលុយ ១ កាក់ ១ សេនទៀត។ ព័ត៌មានបន្ថែម ចូលផេកហ្វេសប៊ុក Sony Showroom by Sunsimexco Co., Ltd ៕

អត្ថបទពាក់ព័ន្ធ៖ Sony លេងឈុតធំ! ទិញកាមេរ៉ា ចុះថ្លៃរាប់រយដុល្លារហើយ ឲ្យរង្វាន់រាប់រយដុល្លារទៀត

អ្នកស្រលាញ់កាមេរ៉ា! Sony តាំងពិព័រណ៍ផលិតផលនៅអ៊ីអន ៣ ថ្ងៃ ឲ្យប្រូម៉ូសិនច្រើន