De Bruyne រ៉ាយរ៉ាប់អារម្មណ៍ផ្ទាល់ខ្លួន ទាក់ទិនរឿង Sanchez ផ្ទេរទៅ Man Utd
- 2018-01-25 12:55:16
- ចំនួនមតិ 0 | ចំនួនចែករំលែក 0
De Bruyne រ៉ាយរ៉ាប់អារម្មណ៍ផ្ទាល់ខ្លួន ទាក់ទិនរឿង Sanchez ផ្ទេរទៅ Man Utd
ចន្លោះមិនឃើញ
ខ្សែបម្រើប្រយុទ្ធ Kevin De Bruyne ក្នុងថ្ងៃនេះ បានបង្ហាញពីចំណាប់អារម្មណ៍ខ្លួនមួយចំនួនទាក់ទងនឹងការផ្ទេរ Alexis Sanchez ទៅក្លឹបជិតខាងខ្លួន Manchester United។
កីឡាករបែលហ្សិកបាននិយាយថា៖ "វាមិនអីទេ ដែលគេ (Sanchez) មិនមកចូលរួមជាមួយយើង ហើយជ្រើសរើស Manchester United។ យើងនៅមានក្រុមយើង។ ទោះមាន ឬគ្មានគេ យើងនៅតែលេងតាមរបៀបយើង"។
ខ្សែបម្រើ De Bruyne បានបន្តទៀតថា៖ "តាមពិតទៅ មានកីឡាករល្អៗច្រើនទៀត។ បើពួកគេចង់ចូលរួមជាមួយយើងមែន ពួកគេនឹងមកហើយ។ ទោះជាយ៉ាងណា បើពួកគេមិនមកទេ ពួកយើងនៅមានកីឡាករច្រើនទៀតនៅក្នុងក្រុមយើងដែលត្រៀមខ្លួនរួចរាល់ក្នុងការជួយក្រុម"។
គួររំលឹកផងដែរថា Manchester City ត្រូវបានគេរាយការណ៍ថាបានព្យាយាមយ៉ាងសស្រាក់សស្រាំក្នុងការតាមប្រជែងទិញ Alexis Sanchez តាំងពីអំឡុងពេលទីផ្សារដោះដូរខែក្ដៅមកម្ល៉េះ។ ទោះជាយ៉ាងណា កាលពីពាក់កណ្ដាលខែនេះ ក្លឹបបានដកខ្លួនចេញការប្រជែងវិញ ក្រោយពីបដិសេធនឹងតម្លៃផ្ទេរដែល Arsenal ទាមទារ ។ ក្រោយមក Sanchez ក៏បានចូលរួមជាមួយ Manchester United។
កន្លងមក De Bruyne តែងតែនិយាយសរសើរ Sanchez ជារឿយៗ ដោយហៅកីឡាករស៊ីលី ជាកីឡាករមួយយ៉ាងល្អ។ នៅពេលនោះ កីឡាករបែលហ្សិក ព្រលយជាច្រើនលើកច្រើនសាថា បើ Sanchez ចូលរួមនឹង Manchester City មែន វាគឺរឿងមួយដ៏ល្អសម្រាប់ក្លឹប៕