គ្រាន់តែឃើញរូប១សន្លឹករបស់ Ariel Lin ភ្លាម អ្នកគាំទ្រនាំគ្នារឺតទ្រូងគ្រប់គ្នា

2018-01-26 04:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថត១សន្លឹករបស់តារាស្រី ដែលអ្នកគាំទ្រតែងអួតសរសើរថាជា ស្រីស្អាតមុខមិនចេះចាស់ Ariel Lin ត្រូវបានផ្សព្វផ្សាយពេញបណ្ដាញអ៊ីនធឺណិត ហើយបង្កឲ្យអ្នកឃើញរូបនោះ រឺតទ្រូងគ្រប់គ្នា។

ផ្អែកតាម ប្រព័ន្ធផ្សព្វផ្សាយតៃវ៉ាន់ តារាសម្ដែង Ariel Lin បានចូលរួមកម្មវិធីភាពយន្តមួយ កាលពីថ្ងៃទី ២៥ ខែមករា ដោយមានព័ទ្ធជុំវិញដោយក្រុមអ្នកកាសែត និងអ្នកថតរូប។ ប៉ុន្តែក្នុងចំណោម អ្នកថតរូបទាំងនោះ មានម្នាក់បានផ្ដិតយករូបភាពរបស់នាង ចេញរូបមក លើសពីការរំពឹងទុក មានន័យថារូបរបស់ Ariel ចាស់ខ្លាំង គឺទាំងស្គម ទាំងផតថ្ពាល់ ហើយស្លេកទៀត។ បន្ទាប់ពីឃើញរូបនោះហើយ អ្នកគាំទ្រនាងមួយចំនួនហួសចិត្ត និងមានការព្រួយបារម្ភពីសុខភាពតារាស្រីរូបនេះគ្រប់គ្នា ខណៈអ្នកខ្លះទៀត ចោទអ្នកថតរូបនោះថា ខ្វះបច្ចេកទេសថត។

ក្រោយមក អ្នកថតរូបរូបនោះ ក៏បានចេញមុខសុំទោសជាសាធារណៈ នូវកំហុសដែលបានកើតឡើងដោយចៃដន្យនេះ។ លោកបញ្ជាក់ថា វាកើតឡើងដោយសារចំណាំងពន្លឺខ្លាំងពេក ទើបរូបចេញមកទៅជាបែបនេះ ហើយខ្លួនក៏គ្មានចេតនាឲ្យរូបចេញមកមិនស្អាតដែរ៕

ប្រភព៖ ent.sina ប្រែសម្រួល៖ យី សុធារី