Real Madrid គ្រោងចាយ៥០០លានផោន ទិញកីឡាករ៣នាក់ពីអង់គ្លេស

2018-01-27 02:32:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Real Madrid មានគម្រោងនាំយកកីឡាករ៣នាក់ក្នុងនោះ Harry Kane , Eden Hazard និងអ្នកចាំទី David de Gea ពីលីគកំពូលអង់គ្លេស ក្នុងរង្វង់ទឹកប្រាក់៥០០លានផោន។

ក្រុមយក្សនៅអេស្ប៉ាញខាងលើកំពុងតែមានបញ្ហាមួយចំនួននៅក្នុងក្រុមដែលមិនទទួលបានលទ្ធផលល្អប៉ុន្មានប្រកួតមកនេះ ធ្វើឱ្យបាត់បង់ពានរង្វាន់ Copa del Rey និងសឹងតែបាត់ La Liga ទៀតទៅហើយរដូវកាលនេះ។ លោក Zidane ដែលជាអ្នកចាត់ការក្រុមមិនមានបំណងទិញចូលកីឡាករថ្មីឡើយ បើទោះជាទម្រង់លេងមិនល្អដូចរដូវកាលមុនក្ដី។

យ៉ាងណាមិញ អនាគតរបស់អ្នកចាត់ការរូបនេះអាចនឹងដឹងពេលប្រកួតទល់ក្រុម PSG ក្នុងពានរង្វាន់ UEFA Champions League ។ ប្រសិនបើធ្វើមិនបានល្អទេនោះ ក្លឹបនឹងបណ្ដេញលោកចោល ដោយតែងតាំងអ្នកចាត់ការថ្មី ដើម្បីស្រោចស្រង់ក្រុមឡើងវិញ។ ក្នុងគម្រោងរបស់ Real Madrid នៅរដូវកាលដោះដូរកីឡាករខាងមុខនេះ ពួកគេនឹងចំណាយប្រាក់ច្រើន ដើម្បីទិញកីឡាករចំណូលថ្មី។

ប្រភពពីអេស្ប៉ាញបានបញ្ជាក់ថាក្លឹបរបស់លោក Perez ចង់បានកីឡាករ៣នាក់ពីអង់គ្លេសគឺខ្សែប្រយុទ្ធ Kane ពី Spurs ក្នុងតម្លៃខ្លួនប្រហែលជា២០០លានផោន ខ្សែបម្រើ Hazard ពី Chelsea និងអ្នកចាំទី De Gea ពីក្រុម Manchester United ។ កីឡាករទាំង៣នាក់នេះ ត្រូវបានគេប៉ាន់ប្រមាណថានឹងមានតម្លៃរង្វង់៥០០លានផោនឯណោះ៕

អត្ថបទ៖ មុន្នីរម្យ