រថភ្លើងអាកាសគ្មានមនុស្សបើក ដែលជិតមាននៅខ្មែរ កើតមានតាំងពីឆ្នាំណាមក?

2018-01-30 01:47:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងសាធារណការ និងភ្នាក់ងារ JICAរបស់ជប៉ុន បានកំពុងសិក្សាដើម្បីសាងសង់ផ្លូវរថភ្លើងលើអាកាសដំបូងបង្អស់នៅកម្ពុជា។ រថភ្លើងលើអាកាសនេះទៀតសោតជាប្រភេទរថភ្លើង AGT ដែលមានល្បឿនលឿនពិសេសមួយសម្រាប់រត់នៅទីប្រជុំជន ដែលដំណើរការដោយគ្មានមនុស្សបើក។

រូបគម្រូរថភ្លើងក្រសួងធ្លាប់បង្ហាញកន្លងមក

AGT មកពីពាក្យពេញថា Automated Guideway Transit ប្រើសម្គាល់លើប្រព័ន្ធធ្វើដំណើរស្វ័យប្រវត្តិ គ្មានអ្នកបើកបរ ដែលក្នុងនោះរថភ្លើងអាចដំណើរការទៅមុខដោយស្វ័យប្រវត្តិតាមរយៈប្រព័ន្ធកុំព្យូទ័រ។ AGT នេះត្រូវបានគេយកទៅប្រើប្រាស់សម្រាប់ ដឹកជញ្ជូនមនុស្សក្នុងទ្រង់ទ្រាយតូច ដូចជានៅតាមព្រលានយន្តហោះ និងដឹកជញ្ជូនមនុស្សក្នុងទ្រង់ទ្រាយធំ ដូចជាខ្សែរថភ្លើងអាកាសក្នុងទីក្រុង Vancouver ប្រទេសកាណាដាជាដើម។

រថភ្លើងអាកាសក្នុងទីក្រុង Vancouver

ចំពោះការប្រើសម្រាប់ដឹកជញ្ជូនមនុស្សក្នុងទ្រង់ទ្រាយតូច គេឃើញមានប្រើប្រាស់ដំបូងគេនៅព្រលានយន្តហោះអន្តរជាតិ Tampan ក្នុងរដ្ឋ Florida សហរដ្ឋអាមេរិក នាឆ្នាំ ១៩៧១។ ប្រព័ន្ធរថភ្លើង AGT ទាំងនៅលើអាកាស និងលើដី ដែលប្រើនៅព្រលានយន្តហោះនេះ អាចឲ្យគេពង្រីកសមត្ថភាពដឹកជញ្ជូនដោយមិនចាំបាច់ពង្រីកទីតាំង។

AGT នៅព្រលានយន្តហោះអន្តរជាតិ Tampan

ប្រព័ន្ធរថភ្លើង AGT ខ្នាតតូចនេះត្រូវបានដំឡើងនៅព្រលានយន្តហោះធំៗមួយចំនួននៅជុំវិញពិភពលោក ដែលជាទូទៅវាតភ្ជាប់ពីស្ថានីយអ្នកដំណើរ (Terminal) ទៅកាន់កន្លែងចតរថយន្ត។ ក្រៅពីនេះប្រព័ន្ធ AGT ក៏ត្រូវបានប្រើនៅសួនកម្សាន្តធំៗផងដែរ។

AGT ប្រើនៅសួនកម្សាន្ត Walt Disney

ដោយឡែកខ្សែរថភ្លើង Port Island Line នៃទីក្រុង Kobe ប្រទេសជប៉ុន គឺជាខ្សែរថភ្លើងដំបូងគេដែលបានប្រើប្រព័ន្ធ AGT ក្នុងទ្រង់ទ្រាយធំ ដែលចាប់ផ្ដើមដំណើរការនៅឆ្នាំ ១៩៨១។ វាតភ្ជាប់ស្ថានីយរថភ្លើងធំរបស់ Kobe គឺស្ថានីយ Sannomiya ជាមួយនឹងតំបន់ចំណតកប៉ាល់ និងព្រលានយន្តហោះ Kobe។ ប្រព័ន្ធស្រដៀងគ្នាក៏ត្រូវបានដំឡើងនៅតំបន់ដទៃទៀតក្នុងប្រទេសជប៉ុនជាបន្តបន្ទាប់ផងដែរ។

ខ្សែរថភ្លើង Port Island Line នៃទីក្រុង Kobe

គួរដឹងថាបច្ចុប្បន្ននេះ រថភ្លើង AGT ដែលមានល្បឿនលឿនជាងគេបំផុតគឺផលិតឡើងដោយក្រុមហ៊ុន Mitsubishi Heavy Industries របស់ជប៉ុន ដែលរត់បានដល់ល្បឿន ១២០ គ.ម/ម៉ លឿនជាងរថភ្លើង AGT ធម្មតាដល់ទៅពីរដង។

រថភ្លើង AGT ល្បឿនលឿន

ដោយឡែករថភ្លើងលើអាកាសថ្មីបំផុតនៅកម្ពុជា អាចនឹងរត់ក្នុងល្បឿនចន្លោះពី ៣៥ ទៅ ៤០គីឡូ ក្នុងមួយម៉ោង។ នេះបើតាម លោក វ៉ា ស៊ឹមសូរិយា អ្នកនាំពាក្យនៃក្រសួងក្រសួងសាធារណការបានបញ្ជាក់៕

ប្រភព៖ Wikipedia | MHI ប្រែសម្រួល៖ សុខហេង

ពាក្យទាក់ទង

អត្ថបទសំខាន់ ចំណេះដឹងបច្ចេកវិទ្យា

អត្ថបទពេញនិយម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

បើឥន្ទ្រីពិឃាដឌូកត្រូវលក្ខខណ្ឌនេះលោក Li Jun នឹងពិចារណាឲ្យចូលក្រុមបាល់ទះលើក្ដារជម្រើសជាតិ

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

អត្ថបទថ្មី

BMW R 1250 GS Adventure ក្លាយជាម៉ូតូបែបផ្សងព្រេង ដ៏ពេញនិយមបំផុត!

យល់ដឹងពីប្រព័ន្ធប៉ុងរថយន្ត ដែលមានដូចជា ប៉ុង១ ប៉ុង២ និង 4x4

Ford Ranger ទទួលចំណាត់ថ្នាក់ផ្កាយ ៥ ជារថយន្តមានសុវត្ថិភាពបំផុត!

និស្សិត យឹម ច័ន្ទយ៉ានីត ចេង សុធីតា បានស្រាយចម្ងល់ខ្លួនជាច្រើនបន្ទាប់ពីសិក្ខាសាលារបស់ CamEd ដែលមានមន្ត្រីជំនាញពន្ធដារ

ការពិតទាំង 10 យ៉ាងពីភីកអាប់អគ្គិសនី Tesla Cybertruck