ឡានមាន ESP និង ABS គ្រលែងម៉ាឆ្ងាញ់អត់ភ័យរឿងក្រឡាប់ (វីដេអូ)

2018-01-30 02:25:47
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំនាញរថយន្ត Ford បានបង្ហាញបច្ចេកទេសការគ្រប់គ្រងរថយន្ត និងការប្រើប្រាស់បច្ចេកវិទ្យាទប់លំនឹងអេឡិចត្រូនិកមិនឲ្យរថយន្តក្រឡាប់ ESP និងប្រព័ន្ធហ្វ្រាំង ABS ចាប់មិនឲ្យរថយន្តគ្រលែង បាត់បង់ម្ចាស់ការ។

អ្នកជំនាញរបស់ Ford បានបញ្ជាក់ថា សម្រាប់ការប្រើប្រាស់ប្រព័ន្ធហ្វ្រាំង ABS តាមបច្ចេកទេស គឺត្រូវតែជាន់ហ្រ្វាំងមួយជើងឲ្យជាប់ ដោយមិនត្រូវបង្ហើបជើងដើម្បីជាន់ផ្ទួនៗនោះទេ ព្រោះការធ្វើដូចនេះជាអាចបង្កគ្រោះថ្នាក់។ ដោយឡែកការជាន់ផ្ទួនៗវាជាវិធីដែលគេប្រើជាមួយហ្វ្រាំងដែលគ្មានបច្ចេកវិទ្យា ABS ពោលសម្រាប់អ្នកចង់ឲ្យរថយន្តឈប់ភ្លាមៗ ប៉ុន្តែការធ្វើតាមវិធីនេះមិនមានសុវត្ថិភាពពេលរថយន្តស្ថិតក្នុងល្បឿនលឿន ឬផ្លូវរអិលនោះទេ។

មូលហេតុដែលការប្រើហ្រ្វាំង ABS ត្រូវជាន់មួយជើងឲ្យជាប់ ព្រោះ ABS នឹងចាប់លែងដើម្បីឲ្យរថយន្តបន្ថយល្បឿន ហើយអ្នកបើកបរនៅតែអាចបញ្ជាឲ្យរថយន្តងាកទៅគោលដៅសុវត្ថិភាព ខណៈហ្វ្រាំងធម្មតា ប្រសិនចាប់ខ្លាំងរថយន្តនឹងវេរខ្លាំង ហើយគ្រប់គ្រងមិនបាន។

លើសពីនេះ ការជាន់ហ្វ្រាំងដែលត្រូវតាមបច្ចេកទេស គឺអ្នកបើកបរត្រូវជាន់ខ្លាំង ឬខ្សោយតាមកាលៈទេសៈជាក់ស្ដែង ហើយការជាន់នោះក៏មិនត្រូវដល់ថ្នាក់ជាន់ដល់ហើបពីកៅអីរថយន្តដែរ ព្រោះអាចបង្កជាគ្រោះថ្នាក់ជាយថាហេតុ៕