សល់២ថ្ងៃបិទទីផ្សារ Spurs យកបាន Lucas Moura
- 2018-01-30 02:17:29
- ចំនួនមតិ 0 | ចំនួនចែករំលែក 0
សល់២ថ្ងៃបិទទីផ្សារ Spurs យកបាន Lucas Moura
ចន្លោះមិនឃើញ
Tottenham បានព្រមព្រៀងក្នុងតម្លៃ២៥លានផោនទិញយក Lucas Moura ពីក្លឹបអ្នកមានបារាំង Paris St-Germain។
ខ្សែបម្រើស្លាបសញ្ជាតិប្រេស៊ីល ត្រូវទាក់ទងដោយ Arsenal និង Manchester United តែសម្រេចរើសយក Spurs បន្ទាប់ពីរូបគេបានជួបជាមួយអ្នកចាត់ការទូទៅ Mauricio Pochettino និងប្រធានក្លឹបលោក Daniel Levy។
Lucas ផ្ទេរពី Sao Paulo ទៅ PSG កាលពីឆ្នាំ២០១៣ ក្នុងតម្លៃ ៣៣,៥លានផោន ប៉ុន្តែបង្ហាញខ្លួនបានតែ៦លើកប៉ុណ្ណោះនៅរដូវកាលនេះ ហើយទាំង៦លើកសុទ្ធតែលេងជាកីឡាករប្ដូរចូលទាំងអស់។ បន្ទាប់ពីអស់តម្លៃក្នុងក្រសែភ្នែកគ្រូបង្វឹក រូបគេត្រូវក្លឹបប្រាប់ឲ្យស្វែងរកទ្រនំថ្មី។
យ៉ាងណាបើគិតស្ថិតិតាំងពីជាន់ទឹកដីបារាំងលើកដំបូង កីឡាករវ័យ ២៥ឆ្នាំ ស៊ុតបញ្ចូលទី៤៦គ្រាប់ និងបញ្ជូនឲ្យមិត្តរួមក្រុមស៊ុត ៥០ក្នុងការបង្ហាញខ្លួន២២៩ប្រកួត៕