ផ្ទះបែរមុខទិសខាងជើង បើដុតផាវ-លោតម៉ុងសាយ ពេលចូលឆ្នាំចិននេះ នឹងមានរឿងស៊យបំផុត

2018-02-01 04:50:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំ ២០១៨ នេះ ទិសដែលស៊យអចិន្ត្រៃយ៍ខ្លាំងបំផុតនៅក្នុងក្បួនហុងស៊ុយ គឺទិសខាងជើង ដែលស្ថិតនៅចន្លោះអង្សា ៣១៥-៤៥ (ដឺក្រេ)។ មានន័យថា អ្នកមានផ្ទះបែរមុខទៅខាងជើងក្នុងចន្លោះអង្សានេះ នឹងមានរឿងស៊យខ្លាំង បើមានការជួសជុល ឬសំឡេងក្ដុងក្ដាំងនៅទិសហ្នឹងតែម្ដង។ នេះបើតាមការឲ្យដឹងរបស់អ្នកគ្រូ ឡុង ណាលី អគ្គនាយិកាស្ថាប័ន ម៉ាស្ទ័រ ណាលី ហុងស៊ុយ។

គ្រូហុងស៊ុយកំពុងល្បីលេចមុខលើទូរទស្សន៍ធំក្នុងស្រុករូបនេះ បានផ្ដល់បទសម្ភាសផ្ដាច់មុខដល់ Sabay ថា៖ "ចំពោះអ្នកមានផ្ទះបែរមុខទៅទិសខាងជើង ឆ្នាំ២០១៨ នេះ មិនត្រូវជួសជុល ស្វាន គាស់ការ៉ូ កាប់ដើមឈើមុខផ្ទះ ឬធ្វើឲ្យមានសំឡេងក្ដុងក្ដាំងដាច់ខាតនៅទិសខាងហ្នឹង បើមិនអ៊ីចឹងទេ នឹងជួបគ្រោះណាមួយក្នុងរយៈពេល ៧ ថ្ងៃ៖

អាចឆេះជើងធូប ឆេះផ្ទះ
អាចមានគ្រោះថ្នាក់ចរាចរណ៍
អាចបាត់បង់របស់ ឬមានចោរប្លន់
ឈ្លោះប្រកែកទាស់ទែងក្នុងក្រុមគ្រួសារ"។

អ្នកគ្រូ ណាលី បានបញ្ជាក់ថា សូម្បីតែដុតផាវ ឬលោតម៉ុងសាយពេលចូលឆ្នាំចិន នៅមុខផ្ទះដែលបែរមុខទៅទិសខាងជើងនេះ ក៏មានគ្រោះដូចខាងលើដែរ ភ្លាមៗក្នុងរយៈពេល ១ សប្ដាហ៍។

ចុះមានទិសស៊យផ្សេងទៀតដែរអត់?

តបនឹងសំណួរនេះ គ្រូហុងស៊ុយដែលត្រូវការណាត់មុនជិត ២ ខែទើបបានជួបរូបនេះ បន្តថា ក្រៅពីទិសខាងជើង (៣១៥ – ៤៥ អង្សា) នៅមានទិសរោង គឺទិសខាងត្បូងឆៀងកើត (អាគ្នេយ៍) ដែលមានចន្លោះអង្សា ១១៥ – ១៣៥ ហើយស៊យដូចគ្នា បើករណីមានការជួសជុល កាប់ដើមឈើ ឬសំឡេងក្ដុងក្ដាំងនៅទិសខាងហ្នឹង។

ចុះអ្នកមានផ្ទះបែរមុខទិសផ្សេងៗ តែជួលជុល ឬមានសំឡេងក្ដុងក្ដាំងនៅទិសខាងជើង ឬត្បូងឆៀងកើត ស៊យដែរអត់?

អ្នកគ្រូ ណាលី បានប្រាប់មួយម៉ាត់យ៉ាងខ្លីថា គឺស៊យដូចគ្នា ឲ្យតែមានការជួសជុល កាប់ដើមឈើ ស្វាន មានសំឡេងក្ដុងក្ដាំង ដុតផាវ លោតម៉ុងសាយ នៅទិសខាងជើង (៣១៥ – ៤៥ អង្សា) និងត្បូងឆៀងកើត (១១៥ – ១៣៥ អង្សា)។

ទោះបីយ៉ាងណាក៏ដោយ អ្នកគ្រូបង្ហើបថា បើផ្ទះបែរមុខទៅទិសខាងជើងចំ ហើយមានករណីជួសជុល ឬសំឡេងដូចរៀបរាប់ខាងដើម គឺស៊យពេញមួយផ្ទះគ្រប់សមាជិកគ្រួសារ។ បើផ្ទះបែរមុខទៅផ្សេង តែមានករណីជួសជុល ឬសំឡេងដូចរៀបរាប់ខាងដើម គឺម្ចាស់ផ្ទះស៊យ។ ជាពិសេសអ្នកឆ្នាំរោង ដែលឆុងនៅឆ្នាំនេះតែម្ដង ស៊យជាងគេបំផុត បើគេជួសជុល ឬបង្កក្ដុងក្ដាំង (ខ្ទ័រដី) ហើយឈរបែរមុខ ឬបែរខ្នងចំទិសខាងជើង និងត្បូងឆៀងកើត។

ចុះស៊យដែរអត់ បើផ្ទះគេផ្សេងដែលស្ថិតនៅខាងជើង ឬត្បូងឆៀងកើតនៃផ្ទះរបស់អ្នក មានសំឡេងក្ដុងក្ដាំង ជួសជុល ឬដុតផាវ លោតម៉ុងសាយ?

ចម្លើយ គឺស៊យដូចគ្នា។

ចុះត្រូវបង្ការស៊យម៉េចទៅ?

ត្រង់នេះ អ្នកគ្រូ ណាលី បានណែនាំដល់អ្នកមានផ្ទះបែរមុខទៅទិសខាងជើង ឲ្យចាប់អំពូលភ្លើង/ហ្វា ពណ៌បៃតង ដើម្បីពិឃាដទិសឆុងនោះ នៅមុខផ្ទះ។ វិធីនេះ គឺបង្ការស៊យក្នុងករណីផ្ទះគេផ្សេងជួសជុល ឬបង្កសំឡេងក្ដុងក្ដាំង ហើយអាចបង្ការស៊យបានត្រឹម ៧០% ប៉ុណ្ណោះ៕

អត្ថបទ៖ សុផាត

ពាក្យទាក់ទង

អត្ថបទពាណិជ្ជកម្ម ហុងស៊ុយបែបវិទ្យាសាស្ត្រ

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

ក្រុមហ៊ុន អូស៊ីអាយស៊ី (OCIC) ដែលបានអភិវឌ្ឍអាកាសយានដ្ឋានអន្តរជាតិ តេជោ កំពុងបន្តពង្រឹងវិស័យអាកាសចរណ៍នៅកម្ពុជា

៣ ជម្រើសល្អៗ ងាយស្រួលធ្វើដំណើរ ពីអាកាសយានដ្ឋានអន្តរជាតិតេជោ ទៅកាន់កណ្តាល រាជធានីភ្នំពេញ

នាវា Aqua Mekong នាំមកនូវបទពិសោធន៍ទេសចរណ៍ប្រណីត ជិះមើលទេសភាព ទន្លេមេគង្គ

នាយករដ្ឋមន្រ្តីថៃថ្មី ប្តេជ្ញាធ្វើការ ឱ្យអស់ពីកម្លាំងកាយចិត្ត ដើម្បីដោះស្រាយបញ្ហានានា ដោយប្រសិទ្ធភាព

ទំនើបណាស់! ជប៉ុន ដាក់ឱ្យប្រើសេវាកម្ម QR Code ដើម្បីស្វែងរក បន្ទប់ទឹកសាធារណៈ

ទីក្រុងកែប ប្រៀបបានឋានសួគ៌ា ពេលទស្សនា មិនដែលជិនណាយ!