កុំឲ្យថាមនុស្សយន្តដណ្ដើមការងារ ប្រទេសជប៉ុនផ្ដើមធ្វើរឿងចម្លែកមួយ

2018-02-03 06:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថាបនិកក្រុមហ៊ុន Robot Technology Corps អ្នកស្រី Yukiko Nakagawa បានជឿជាក់មធ្យោបាយម្យ៉ាងគត់ ដែលអាចឲ្យសម្ពន្ធភាពរវាងមនុស្សយន្តនិងមនុស្សកាន់តែជិតដិតគ្នា លុះត្រាពួកគេច្នៃតួខ្លួនឲ្យទៅជារូបរាងសត្វជំនួសមុខមាត់ដូចមនុស្សទូទៅ។

អ្នកស្រីបានបញ្ជាក់ថា "បើកាលណាយើងតុបតែងមនុស្សយន្តទៅជាពណ៌សម្បុរឬមុខមាត់ដូចមនុស្សទូទៅ គាប់ជួនភាពឆ្លាតវៃរបស់វាទៀតផងនោះ ម្ល៉ោះនឹងមានការលើកឡើងថាមនុស្សយន្តដណ្ដើមការងាររបស់ពួកគេ"។

ភាពជោគជ័យកន្លងទៅសម្រាប់មនុស្សយន្តមានរូបរាងជាសត្វឆ្មាឲ្យឈ្មោះ Nekotencho ហាក់មានការទទួលស្គាល់ខ្លាំងពីបណ្ដាអតិថិជន ដោយវាមានមុខងាររង់ចាំស្វាគមន៍ភ្ញៀវនៅខាងក្រៅក្រុមហ៊ុនក្នុងតំបន់បច្ចេកវិទ្យាពិសេស Akihabara របស់ប្រទេសជប៉ុន។

“ជាងនេះទៅទៀត គ្រប់គ្នានឹងអាចទទួលស្គាល់សត្វឆ្មា តាមរយៈអាកប្បកិរិយាចម្លែក ដូចជាការលោត, រាំ និងសំឡេងប្លែក ខុសពីអ្វីដែលទម្លាប់មនុស្សអនុវត្តរាល់ថ្ងៃ បែបនេះហើយជាកត្តាជួយឲ្យគ្រប់គ្នា ពេញចិត្តនឹងមនុស្សយន្តប្រភេទនេះ"។

ទស្សនាវីដេអូខាងក្រោម: