ជិតបានឆ្លងហើយ! ស្ពានអាកាសថ្មើរជើងថ្មីនៅភ្នំពេញ មានលក្ខណៈពិសេសមិនធម្មតា

2018-02-02 03:37:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ពានអាកាសថ្មើរជើងថ្មី នៅរង្វង់មូលនាងគង្ហីងក្បែរពហុកីឡដ្ឋានជាតិអូឡាំពិក សម្រេចការសាងសង់បាន ៥០% ហើយ បើគិតត្រឹមថ្ងៃទី ០២ ខែកុម្ភៈនេះ។ នេះបើតាមក្រសួងសាធារណការនិងដឹកជញ្ជូន។

សសរ៦កន្លែងនៅជុំវិញរង្វង់មូល បានចាក់បេតុងរួចរាល់។ បច្ចុប្បន្ននេះក្រុមការងារបច្ចេកទេសកំពុងស្ថាបនាគ្រងបង្គំសំណង់ផ្នែកខាងលើ។ អ្វីដែលជាលក្ខណៈពិសេសគួរឲ្យកត់សម្គាល់នោះ ស្ពានអាកាសថ្មីទី២នៅរាជធានីភ្នំពេញនេះ គឺសុទ្ធតែបំពាក់ជណ្ដើរយន្តដ៏ទំនើបទៀតផង។ ក្រុមការងារក៏កំពុងបង្គំគ្រឿងសំណង់សម្រាប់ជណ្ដើរយន្តនេះ យ៉ាងសកម្មផងដែរ។

គម្រោងស្ពានអាកាសថ្មើរជើងថ្មីនេះ ត្រូវបានមន្ទីរសាធារណការសហការជាមួយក្រុមហ៊ុន OCIC ដើម្បីសម្រួលដល់ការធ្វើដំណើរថ្មើរជើងឆ្លងកាត់ស្តុប មិនប៉ះពាល់ចរាចរ និងធានាសុវត្ថិភាពជូនបងប្អូនប្រជាពលរដ្ឋ។

ក្រុមហ៊ុន Oversea Cambodia Investment Corperation ( OCIC) គឺជាម្ចាស់វិនិយោគទីក្រុងអូឡាំព្យា ដែលសាងសង់នៅព័ទ្ធជុំវិញពហុកីឡដ្ឋានជាតិអូឡាំពិក លើផ្ទៃដីសរុប ១០ហិកតា។ ទីក្រុងថ្មីនេះជាបណ្ដុំអគារពាណិជ្ជកម្មមានកម្ពស់២០ជាន់រួមមាន ការិយាល័យ អគារស្នាក់នៅ ផ្សារទំនើប ក្លឹបហាត់ប្រាណ អាងហែលទឹក និងកន្លែងកម្សាន្តជាច្រើនទៀត៕

ខាងក្រោមនេះជាប្លង់គំរូ៖