មកស្គាល់ដៃគូប្រកួតពាន Tiger Street Football Festival 2018 ខេត្តបាត់ដំបង
- 2018-02-02 10:55:45
- ចំនួនមតិ 0 | ចំនួនចែករំលែក 0
មកស្គាល់ដៃគូប្រកួតពាន Tiger Street Football Festival 2018 ខេត្តបាត់ដំបង
ចន្លោះមិនឃើញ
ការប្រកួតបាល់ទាត់ធំជាងគេបំផុតនៅប្រទេសកម្ពុជា Tiger Street Football Festival 2018 ប្រចាំមណ្ឌលខេត្តបាត់ដំបងនឹងចាប់ផ្តើមបើកឆាកប្រយុទ្ធព្រឹកថ្ងៃសៅរ៍ ទី៣ ខែកុម្ភៈ ឆ្នាំ២០១៨នេះហើយនៅទីលានវាលបែកចានដែលមានក្រុមចូលរួម៧៩ក្រុម។
នារសៀលថ្ងៃសុក្រទី២ ខែកុម្ភៈនេះ ការធ្វើបទបង្ហាញពីគោលការណ៍នៃការប្រកួត និងចាប់ដៃគូប្រកួតបានធ្វើរួចរាល់ហើយ ខណៈក្រុមមួយចំនួនបានរកឃើញដៃគូប្រកួតហើយ ប៉ុន្តែក្រុមមួយចំនួនក៏មិនទាន់ស្គាល់ក្រុមដែលជាដៃគូរបស់ខ្លួនដោយរងចាំព្រឹកស្អែកទើបដឹង។ មណ្ឌលបាត់ដំបងនេះមានក្រុមចូលរួមប្រកួតបានកើនឡើងលើសពីការកំណត់។ តាមការកំណត់មណ្ឌលបាត់ដំបង ត្រូវទទួលយកក្រុមចំនួន៦០ចូលរួមប្រកួត ប៉ុន្តែក្រុមបានដាក់ពាក្យចូលរួមប្រកួតរហូតដល់៧៩ប្រកួត។
នេះជាការប្រកួតដ៏រំភើប និងភ័យរន្ធត់សម្រាប់ក្រុមនីមួយៗដោយសារចាប់ផ្តើមពីគូទីមួយរហូតដល់ចប់គឺចាញ់ធ្លាក់ និងឈ្នះឡើងវគ្គបន្ត។ ដូច្នេះក្រុមដែលខ្លាំងប៉ះក្រុមដែលខ្លាំងដូចគ្នា ច្បាស់ណាស់ ក្រុមមួយនឹងធ្វើដំណើរទៅផ្ទះមុនហើយ។ ចាំមើលក្រុមណាមានឱកាសបានឡើងវគ្គបន្ត និងក្រុមណាដែលត្រឡប់ទៅផ្ទះមុនគេ។
ក្នុងពិធីបង្ហាញពីគោលការណ៍ប្រកួត និងចាប់គូនេះមានការចូលរួមពិធីលោក ប៉ិច នី តំណាងក្រុមហ៊ុនស្រាបៀរ Tiger លោកស្រី ថោង បវរលក្ខិណា ជា Brand Manager របស់ក្រុមហ៊ុនស្រាបៀរ Tiger តំណាងក្រុមហ៊ុនស្រាបៀរ Tiger ប្រចាំខេត្តបាត់ដំបង និងលោក ម៉ៃ តុលា អគ្គលេខាធិការស្តីទីនៃសហព័ន្ធកីឡាបាល់ទាត់កម្ពុជា ព្រមទាំងកីឡាករជាច្រើននាក់។
ក្នុងឱកាសនោះលោក ម៉ៃ តុលា បានផ្តាំផ្ញើដល់កីឡាករទាំងអស់ឲ្យប្រកាន់ភ្ជាប់នូវគោលការណ៍យុត្តិធម៌ និងគោរពតាមលោកអាជ្ញាកណ្តាលដែលជាអ្នកគ្រប់គ្រងការប្រកួត ព្រមទាំងគណៈកម្មការរៀបចំការប្រកួត។ ចំណែកលោកស្រី ថោង បវរលក្ខិណា បានឲ្យដឹងថា ព្រឹត្តិការណ៍ Tiger Street Football Festival 2018 នេះកាន់តែពិសេស និងលើសពីបាល់ទាត់ទៀតនោះ អ្នកគាំទ្រនឹងបានសប្បាយរីករាយជាមួយការលេងហ្គេមកម្សាន្តជាច្រើនដើម្បីឈ្នះរង្វាន់ ការផាត់មុខ និងទស្សនាការប្រគំតន្ត្រីដែលចូលរួមសម្តែងពីកំពូលតារាចម្រៀងល្បីៗជាច្រើននាក់។
ការប្រកួតនឹងចាប់ផ្តើមវេលាម៉ោងប្រមាណ៦ព្រឹកថ្ងៃសៅរ៍ ទី៣ កុម្ភៈនេះនៅទីលានវាលបែកចានដែលបងប្អូនអាចចូលរួមទស្សនាដោយសេរី និងផ្សាយផ្ទាល់លើផេកផ្លូវ Tiger Beer៕
ខាងក្រោមជាដៃគូប្រកួតរបស់ក្រុមនីមួយ
(http://media.sabay.com/media/sabay-news/Sport-News/Local-Sports/Tiger-Street-Football-2017/Tiger-Street-2018/Battambang/tiger-street-battambang-11.jpg "")
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
