ច្រឡំ ឬបន្លំ កុម្ម៉ង់ទិញ iPhone 8 បែរជាបានម្សៅសាប៊ូបោកខោអាវទៅវិញ

2018-02-05 02:15:53
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Tabrej Mehaboob Nagrali ជាបុរសវ័យ ២៦ ឆ្នាំ ដែលបម្រើការជាវិស្វករកម្មវិធីរស់នៅក្បែរទីក្រុង Mumbai ប្រទេសឥណ្ឌា។ របាយការណ៍ក្រៅស្រុកបានបញ្ជាក់ថាគាត់ទិញ iPhone 8 ពីគេហទំព័រ Flipkart ក្នុងតម្លៃ ៨៦០ ដុល្លារ ឬ ៥៥ ០០០ រូពី ដោយទើបតែដឹកជញ្ជូនមកដល់កាលពីថ្ងៃទី ២២ មករា ប៉ុន្តែជារឿងហួសចិត្ត នៅពេលបើកប្រអប់ស្រាប់តែមិនឃើញទូរសព្ទ ផ្ទុយទៅវិញឃើញម្សៅសាប៊ូបោកខោអាវ Active Wheel ទៅវិញ។

លោក Ainash Shingte អធិការជាន់ខ្ពស់នៅប៉ុស្តិ៍ប៉ូលិស Byculla បានប្រាប់សារព័ត៌មាន Press Trust of India ដូច្នោះថា "ក្រោយកើតហេតុចម្លែកភ្លាម លោក Nagrali បានដាក់ពាក្យបណ្ដឹងមកពួកយើង ឲ្យធ្វើការស៊ើបអង្កេតជុំវិញអំពើឆបោកនិងលួចបន្លំនៃក្រុមហ៊ុន Flipkart”។

បញ្ជាក់ថានេះមិនមែនជាលើកទី ១ ទេ សម្រាប់ការបោកបញ្ឆោតលើគេហទំព័រ Flipkart ដោយកន្លងទៅជនរងគ្រោះឈ្មោះ Anand Bhalakia ក៏ធ្លាប់ចាញ់បោកស្រដៀងគ្នានៅពេញទិញ Galaxy Note 4 តែបែរជាទទួលបាននូវសាប៊ូដុសខ្លួនមួយដុំ ហើយថែមដុំសាក Android មកបញ្ឈឺមួយទៀតយ៉ាងឈឺចាប់។