ក្រៅពី AI នៅមានប្រភេទ Intelligence ផ្សេងទៀត អ្នកគួរដឹង!

2018-02-04 04:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមពិត ស្ថាបនិក AI (Artificial Intelligence) បានរចនាការសាកល្បងមួយ ដើម្បីកំណត់ភាពវ័យឆ្លាតរបស់ម៉ាស៊ីនតាំងពីឆ្នាំ ១៩៥០ ដោយគណិតវិទូ និងអ្នកវិទ្យាសាស្ត្រកុំព្យូទ័រ លោក Alan Turing។

ការសាកល្បងធ្វើឡើងដោយឲ្យមនុស្សម្នាក់ និងម៉ាស៊ីនមួយគ្រឿង ឆ្លើយតបទៅនឹងសំនួរមួយចំនួន កំណត់ពីភាពវ័យឆ្លាតត្រឹម ៥០% ឡើងទៅ។

ភាពវ័យឆ្លាតរបស់ម៉ាស៊ីនមានច្រើនរួមមាន AI (Artificial Intelligence), AGI (Artificial General Intelligence), ASI (Artificial Superintelligence)។ អ្នកអាចស្វែងយល់បន្ថែមនៅខាងក្រោមនេះ។

Artificial Intelligence (AI)

AI សំដៅលើសមត្ថភាពរបស់ម៉ាស៊ីនអាចដោះស្រាយបញ្ហា និងរៀន ស្រដៀងនឹងសមត្ថភាពមនុស្ស។ នេះអាចធ្វើទៅបាន ដោយការយល់ពីភាសា សំឡេង និងតិចនិកក្នុងការគិត។ ឧទាហរណ៍ បច្ចេកវិទ្យា Siri ជាដើម ដែលអាចយល់ពីអ្នកតាមរយៈសំឡេង។

Artificial General Intelligence (AGI)

AGI មានភាពវ័យឆ្លាតស្ទើរតែដូចនឹងមនុស្សគ្រប់ផ្នែក ដោយអាចអនុវត្តការងារមានកម្រិតជោគជ័យដូចទៅនឹងមនុស្ស។

លោក Steve Wozniak ជាសហស្ថាបនិករបស់ Apple បានបង្កើតការសាកល្បងមួយហៅថា Coffee Test ជាសូចនាករសម្រាប់ AGI។

ក្នុងការសាកល្បង មនុស្សយន្តត្រូវចូលទៅផ្ទះ និងឆុងកាហ្វេ ដោយស្វែងរកឧបករណ៍ របៀបឆុងដោយខ្លួនឯង។ លទ្ធផលឃើញថា មនុស្សយន្តអាចបំពេញការងារនេះបាន។

Artificial Superintelligence (ASI)

លោក Nick Bostrom ជាអ្នកដឹកនាំ AI មួយរូប ក្នុងចំណោមអ្នកដឹកនាំផ្សេងទៀត បានកំណត់និយមន័យពាក្យ Superintelligence ជាប្រព័ន្ធមួយមានភាពវ័យឆ្លាតច្រើនជាងខួរក្បាលមនុស្សដែលចេះដឹងបំផុត ដោយអាចអនុវត្តគ្រប់ផ្នែក រួមទាំងភាពច្នៃប្រឌិតបែបវិទ្យាសាស្ត្រ និងជំនាញសង្គម។ ជាហេតុផល លោក Stephen Hawking បានបង្ហាញការព្រួយបារម្ភអំពី ASI មួយនេះ៕