Liverpool បាន​ត្រឹម​១​ពិន្ទុ​ពី​សង្គ្រាម​​ Top 4 ជាមួយ​ Tottenham Hotspur ក្នុង​ការ​ប្រកួត​ Premier League សប្ដាហ៍​ទី​២៦។

ជំនួប​នៅ​កីឡាករ​ Anfield កាល​ពី​យប់​មិញ​នៅ​វគ្គ​ទី​មួយ​ហង្សក្រហម​មាន​ឱកាស​នាំ​មុខ​១​គ្រាប់​មុន​ជា​ថ្វី​ជើង​កីឡាករ​ Salah តាំង​ពី​ព្រលឹម​នាទី​ ទី​៣។ ក្រោយ​ត្រូវ​គូ​ប្រកួត​នាំ​មុខ​ Spurs បើក​ការ​វាយ​សម្រុក​យ៉ាង​ខ្លាំង​តែ​អ្នក​ចាំ​ទី​ដៃ​ទី​មួយ​វ័យ​ក្មេង​ Loris Karius​ តែង​​សង្គ្រោះ​បាន​ជា​និច្ច​។​

យ៉ាង​ណា​នាទី​ ៨០Victor Wanyama បាន​ទាត់​មួយ​ជើង​ចូល​មុំ​កៅ​បន្ទាប់​ពី​បាល់​សល់​ពី​ការ​សង្គ្រោះ​លើក​ទី​មួយ​របស់​អ្នក​ចាំ​ទី​ Liverpool។ នាទី​៨៧​ Harry Kane បាន​បាល់​ប៉េណាល់ទី​១​គ្រាប់​តែ Karius ចាប់​បាន។

ឈាន​ដល់​នាទី​៩០+១ Mohamed Salah បាន​ស៊ុត​១​គ្រាប់​ទៀត​ឲ្យ​ក្រុម​លោក​ Jurgen Klopp នាំ​មុខ​សារ​ជា​ថ្មី​ តែ​​ប៉ុន្មាន​នាទី​បន្ទាប់​ Erik Lamela បាន​​​ដួល​ក្នុង​ប្រអប់​គ្រោះថ្នាក់​ធ្វើ​ឲ្យ​អាជ្ញាកណ្ដាល​ពិន័យ​ប៉េណាល់​ទី​ម្ដង​ទៀត​ហើយ​​លើក​នេះ​ Kane ស៊ុត​បញ្ចូល​ទី​បាន​សម្រេច​ធ្វើ​ឲ្យ​ Liverpool ស្មើ​ ២-២ ទាំង​មិន​អស់​ចិត្ត។

អ្នក​ចាត់​ការ​ Liverpool បាន​និយាយ​ក្រោយ​ការ​ប្រកួត​ថា​ក្រុម​របស់​ខ្លួន​គួរ​តែ​ឈ្នះ​បើ​សិន​ជា​គ្មាន​ការ​សម្រេច​ចិត្ត​ខុស​របស់​ ​អាជ្ញាកណ្ដាល​។ ដោយ​ឡែក​លោក​ Mauricio Pochettino អ្នក​ចាត់​ការ​របស់​ Spurs អះអាង​ថា​បាល់​ប៉េណាល់ទី​ទាំង​២​លើក​គឺ​ពិត​ជា​ត្រឹមត្រូវ​ ហើយ​អាជ្ញាកណ្ដាល​សម្រេច​ចិត្ត​បាន​ល្អ៕