កែវ សុខផេង លេចធ្លោជាងគេក្នុងចំណោមកីឡាករកម្ពុជានៅលីគកំពូលម៉ាឡេស៊ី

2018-02-05 03:13:35
ចំនួនមតិ 0 | ចំនួនចែករំលែក 0

ចន្លោះមិនឃើញ

លីគកំពូលម៉ាឡេស៊ីបានចាប់ដំណើរការជាផ្លូវការហើយកាលពីសប្ដាហ៍មុននេះ ដោយកីឡាករកម្ពុជាទាំង៤នាក់សុទ្ធតែបានបង្ហាញខ្លួនទាំងអស់ជាមួយក្រុមថ្មីរបស់គេ។

ជាមួយគ្នានោះដែរ ខ្សែប្រយុទ្ធ កែវ សុខផេង ហាក់ដូចជាមានការលេចធ្លោជាងគេ ដោយអាចរកគ្រាប់បាល់១គ្រាប់ និងជាគ្រាប់បាល់ដំបូងគេក្នុងលីគម៉ាឡេស៊ីនារដូវកាលថ្មីនេះផងដែរ ក្នុងជ័យជម្នះ PKNP FC លើក្រុម Negeri Sembilan FA ១-០។ ដោយឡែកសម្រាប់កីឡាករ ចាន់ វឌ្ឍនាកា វិញ មិនទាន់អាចរកគ្រាប់បាល់បានទេ ដោយក្រុម Pahang របស់គេបានត្រឹមស្មើជាមួយ Perak ០-០ ប៉ុណ្ណោះ។

ងាកទៅមើលក្រុម Terengganu របស់កីឡាករ ធារី ចន្ថាប៊ីនវិញ ក៏រកបាន១ពិន្ទុដែរ ដោយបានត្រឹមស្មើនឹង PKNS FC ២-២ ក្នុងការប្រកួតបើកឆាកនេះ។ និយាយពី ប្រាក់ មុន្នីឧត្តម វិញ គឺដូចលទ្ធផលខាងលើ ក្រុមរបស់គេចាញ់ក្រុមរបស់ កែវ សុខផេង ១-០។

ក្នុងលីគកំពូលម៉ាឡេស៊ីរដូវកាលនេះ មានកីឡាករកម្ពុជា៤រូបចូលលេង ហើយក៏បានបង្ហាញខ្លួនក្នុងជម្រើស១១នាក់ដំបូងផងដែរ។ កីឡាករទាំង៤នាក់នោះរួមមាន ប្រាក់ មុន្នីឧត្តម ចាន់ វឌ្ឍនាកា កែវ សុខផេង និងធារី ចន្ថាប៊ីន៕

អត្ថបទ៖ មុន្នីរម្យ