ចង់ដឹងអត់ ស្រីស្អាតស្រាតលក់កាហ្វេមួយខ្វាច់ អាចជាប់ពន្ធនាគារប៉ុន្មានឆ្នាំ?
- 2018-02-05 08:32:11
- ចំនួនមតិ 0 | ចំនួនចែករំលែក 0
ចង់ដឹងអត់ ស្រីស្អាតស្រាតលក់កាហ្វេមួយខ្វាច់ អាចជាប់ពន្ធនាគារប៉ុន្មានឆ្នាំ?
ចន្លោះមិនឃើញ
ប៉ូលិសថៃ កំពុងពិចារណាដាក់ពាក្យបណ្ដឹងទៅលើម្ចាស់ហាងកាហ្វេមួយកន្លែងឈ្មោះ "Coffee On Day" នៅក្នុងស្រុក Sattahip ខេត្តឈុនបុរី បន្ទាប់ពីមានការបង្ហោះវីដេអូ និងរូបភាពរបស់ស្ត្រីរត់តុ២នាក់គ្មានសម្លៀកបំពាក់។
វីដេអូនិងរូបភាពស្រាតរបស់ស្ត្រីជាអ្នករត់តុដ៏សិចស៊ីនេះ ត្រូវបានគេបង្ហោះចែកចាយពាសពេញបណ្ដាញសង្គម ហើយក៏ទទួលបានពាក្យរិះគន់ជាច្រើនផងដែរ។ លោក Thanachai Usahakit វរសេនីយ៍ឯកប្រចាំតំបន់ Plu Ta Luang ស្រុក Sattahip និយាយថា មន្ត្រីប៉ូលិសបានកោះហៅម្ចាស់ហាង និងអ្នករត់តុទៅធ្វើរបាយការណ៍ហើយ កាលពីថ្ងៃអាទិត្យម្សិលមិញ។
លោកវរសេនីយ៍ឯក បន្តថា រូបភាពអាក្រាតនេះត្រូវចាត់ទុកជាការរំលោភបំពានច្បាប់អ៊ីនធឺណិតរបស់ប្រទេស ហើយអ្នកដែលប្រព្រឹត្តខុសនឹងច្បាប់នេះអាចនឹងជាប់ពន្ធនាគាររហូតដល់ ៥ឆ្នាំ និង/ឬពិន័យជាប្រាក់ ១០ម៉ឺនបាត (ជាង៣ពាន់ដុល្លារអាមេរិក)។
លោក Prasong Sukkorn ដែលជាម្ចាស់ហាងកាហ្វេ Coffee On Day បានឲ្យដឹងថា លោកបង្ហោះវីដេអូ និងរូបភាពទាំងនេះដើម្បីធ្វើជាការផ្សាយពាណិជ្ជកម្មប៉ុណ្ណោះ មិនមែនចង់បំពុលសង្គមនោះទេ។ លោកបញ្ជាក់ទៀតថា គំនិតនៃការផ្សាយពាណិជ្ជកម្មយ៉ាងដូច្នេះ គឺកើតចេញពីតារាម៉ូដែលម្នាក់ ដែលលោកបានពឹងពាក់។
បើទោះជាមានការអះអាងយ៉ាងនេះក្ដី លោក Thanachai Usahakit នៅតែបញ្ជាក់ថា៖ "ទោះម្ចាស់ហាងនិយាយថា លោកគ្មានបំណង និងលុបវីដេអូ ក៏ដូចជារូបភាពចេញក៏ដោយ បទល្មើសគឺបានប្រព្រឹត្តរួចបាត់ទៅហើយ"៕