មកដឹងរបបអាហារចាំបាច់ ញ៉ាំដើម្បីចិញ្ចឹមសុខភាពរាងកាយមួយជីវិត

2018-02-22 01:08:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អាហារូបត្ថម្ភសមស្រប និងមានតុល្យភាពផ្តល់នូវសារធាតុចិញ្ចឹម ដែលអ្នកត្រូវការជារៀងរាល់ថ្ងៃ ដើម្បីបង្កើនសកម្មភាពប្រចាំថ្ងៃ។ ជាពិសេសជួយជំរុញ និងថែរក្សាសុខភាពពេញមួយជីវិត និងធ្វើឲ្យសុបិនទទួលបានរូបរាងដ៏ស្អាត ក្លាយជាការពិតផងដែរ។

លោកបណ្ឌិត Steve Henig, Ph.D., ប្រធានគ្រប់គ្រងផ្នែកវិទ្យាសាស្ត្រ របស់ក្រុមហ៊ុន Herbalife បានឲ្យដឹងថា អាហាររូបត្ថម្ភត្រឹមត្រូវ គឺជាអាហាររូបត្ថម្ភដែលមានតុល្យភាព។ ការប្តេជ្ញាចិត្តចំពោះគោលការណ៍ណែនាំអាហាររូបត្ថម្ភសាមញ្ញទាំងនេះអាចជួយ អ្នកឲ្យទទួលបាននូវជីវិតប្រកបដោយផាសុកភាព។

"ចាប់ផ្តើមជារៀងរាល់ថ្ងៃ ជាមួយនឹងអាហារូបត្ថម្ភដែលមានតុល្យភាព និងសារធាតុចិញ្ចឹមសំខាន់ៗដើម្បីបែបផែនរស់នៅសកម្មប្រកបដោយសុខភាពល្អ"។ លោកបណ្ឌិត Steve Henig, Ph.D., ថ្លែង។

១- អាហារពេលព្រឹក

ចាប់ផ្តើមថ្ងៃថ្មីរបស់អ្នកឲ្យបានត្រឹមត្រូវ! អាហារពេលព្រឹកមានសារៈសំខាន់ណាស់ ព្រោះវាចាប់ផ្តើមចាប់ផ្តើមដោយការរំលាយអាហាររបស់អ្នកហើយផ្តល់ថាមពលសម្រាប់អ្នកដើម្បីបំពេញការងារពេញមួយថ្ងៃ។

២- អាហារសម្រន់បន្ទាប់បន្សំ

កាត់បន្ថយបរិមាណទទួលទានម្តងៗ ដោយការទទួលទានតិចៗតែច្រើនដង ជួយអ្នកបង្ការការបាត់បង់ថាមពល និងការឃ្លានអាហារដែលមិនមានផាសុកភាព។

៣- អាហារូបត្ថម្ភសម្រន់

ទទួលទានបន្លែ-ផ្លែឈើ និងប្រូតេអ៊ីនតិចតួចដូចជា- សណ្តែក យ៉ាអួ ឬក៏ឈីសដែលគ្មានជាតិខ្លាញ់ ក្នុងពេលចន្លោះអាហារពេលព្រឹកនិងថ្ងៃត្រង់ អាចជួយលោកអ្នកឲ្យចៀសវាងការទទួលទានច្រើនជ្រុលនៅសម្រាប់អាហារថ្ងៃត្រង់និងអាហារពេលល្ងាច។

៤- រក្សាកម្រិតជាតិទឹក

ទទួលទានទឹកឲ្យបានគ្រប់គ្រាន់ ដើម្បីឲ្យប្រាកដថារាងកាយអ្នក មានកំរិតជាតិទឹកគ្រប់គ្រាន់។

៥- សារធាតុចិញ្ចឹមសំខាន់

រាងកាយរបស់អ្នកត្រូវការអាហារូបត្ថម្ភ ដើម្បីដំណើរការឲ្យបានត្រឹមត្រូវឬគាំពារសុខភាពរបស់អ្នកនឹងទទួលរងដោយកត្តាផ្សេងៗ។ ការទទួលបានបរិមាណសារធាតុចិញ្ចឹមត្រឹមត្រូវ ត្រូវបានគេហៅថាអាហារូបត្ថម្ភប្រកបតុល្យភាព។ សារធាតុចិញ្ចឹម ដែលគេដឹងថាមានសារៈសំខាន់សម្រាប់មនុស្សគឺប្រូតេអ៊ីនកាបូអ៊ីដ្រាតខ្លាញ់និងប្រេង សារជាតិរ៉ែ វីតាមីននិងទឹក។

ទាំងអស់នេះគឺជាផ្នែកដ៏សំខាន់នៃរបបអាហារដែលមានតុល្យភាពដែលរាងកាយត្រូវការដើម្បីទ្រទ្រង់ដល់មុខងាររាងកាយនិងមុខងារ រំលាយអាហារ៕