ពិបាករកកន្លែងលេងបាល់ពេក បង្កើត App ខ្លួនឯង រហូតឈ្នះពានជយលាភី

2018-02-06 05:12:58
ចំនួនមតិ 0 | ចំនួនចែករំលែក 0

ចន្លោះមិនឃើញ

រៀនត្រឹមឆ្នាំទី៣ និស្សិតមួយក្រុមមានគ្នា ៥នាក់រួមគ្នាបង្កើត App កក់តារាងបាល់ទាត់ដើម្បីឲ្យមានភាពងាយស្រួលដល់អ្នកដែលចង់ស្វែងរកតារាងទាត់បាល់សម្រាប់ជួលលេងនៅក្នុងទីក្រុងភ្នំពេញ។

ឆ្លងកាត់ច្រើនតង់ App "កក់តារាងបាល់ទាត់" ជាជយលាភីកម្មវិធី Smart Start

សុវណ្ណ លីហួ សមាជិកក្រុមអ្នកបង្កើត App នេះបាននិយាយថាមូលហេតុដែលមានគំនិតបង្កើតឡើងដោយសារតែបញ្ហាផ្ទាល់ខ្លួននៅពេលដែលចង់រកកន្លែងទាត់បាល់លេងម្ដងៗពិបាករកកន្លែង និងធ្វើការកក់ទុក។

គួបផ្សំកំពុងសិក្សាជំនាញនេះ ផងក៏មានគំនិតនាំគ្នាបង្កើត App មួយមានឈ្មោះថា Go Soccer ដែលអាចឲ្យអ្នកដែលចង់ស្វែងរកកន្លែងទាត់បាលបានលឿន និងងាយស្រួល។

បើទោះបីជាមិនទាន់បានដាក់ដំណើរការបាននៅក្នុង Play Store និង App Store នៅឡើយតែប្រធានក្រុមបង្កើត លឹម សេងឃុន បានប្រាប់ Sabay ថាគ្រោងនិងធ្វើការដាក់ឲ្យទាញយកប្រើប្រាស់ជំហានដំបូងនៅក្នុងខែ មេសាខាងមុខនេះ។

ហើយនេះជាលើកទីមួយហើយដែលក្រុមដែរបង្កើត App Go soccer បានដាក់ប្រកួតប្រជែងនៅក្នុងកម្មវិធី Smart Start កាលពីពេលថ្មីៗហើយទទួលបានជយលាភីលេខមួយមានឱកាសធ្វើដំណើរទស្សនកិច្ចនៅក្រុមហ៊ុនយក្ស Facebook, Google និង Microsoft នៅប្រទេសសិង្ហបុរី។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អត្ថបទបន្ទាប់៖

អត្ថបទ៖ ម៉េងងី