Pahang FA បរាជ័យចុងម៉ោង ស្របពេលក្រុម ប្រាក់ មុន្នីឧត្តម យកបាន៣ពិន្ទុ
- 2018-02-08 01:53:06
- ចំនួនមតិ 0 | ចំនួនចែករំលែក 0
Pahang FA បរាជ័យចុងម៉ោង ស្របពេលក្រុម ប្រាក់ មុន្នីឧត្តម យកបាន៣ពិន្ទុ
ចន្លោះមិនឃើញ
ក្រុម Pahang FA របស់ខ្សែប្រយុទ្ធតម្លៃខ្លួនថ្លៃ ចាន់ វឌ្ឍនាកា បានបរាជ័យក្នុងសប្ដាហ៍ទី២នេះ ដោយចាញ់ក្រុម PKNS FC ដោយលទ្ធផល ១-០។ ចំណែកក្រុម Negeri Sembilan របស់ ប្រាក់ មុន្នីឧត្តម ទទួលបាន ៣ពិន្ទុ ក្រោយពីពួកគេអាចយកឈ្នះលើក្រុម Kuala Lumpur ដោយលទ្ធផល ២-០។
ការប្រកួតរវាងក្រុម Pahang និង PKNS ពិតជាស្វិតស្វាញមែនទែន ដោយមានឱកាសរៀងខ្លួនប៉ុន្តែហាក់ដូចជាមិនទាន់មានសំណាង។ រហូតដល់នាទី៩០ទៅហើយ ទើបក្រុម PKNS អាចរកបាន១គ្រាប់បំបែកពងមាន់ខាងក្រុមរបស់ ចាន់ វឌ្ឍនាកា តែម្ដងក្នុងការប្រកួតសប្ដាហ៍ទី២នេះ។
ចំណែកក្រុមរបស់កីឡាករ ប្រាក់ មុន្នីឧត្តម វិញ សប្ដាហ៍នេះធ្វើបានល្អ ដោយអាចយកឈ្នះបានលើក្រុម Kuala Lumpur ដោយលទ្ធផល ២-០។ ដោយ២គ្រាប់នោះរកបានដោយខ្សែបម្រើសញ្ជាតិអាហ្សង់ទីន Nicolas Leandro Velez ទាំងពីរគ្រាប់។