ទំនើបម្ល៉ឹងៗ ទើបបង្គន់នេះថ្លៃដល់ ៦ ០០០ ដុល្លារ
- 2018-02-09 00:00:00
- ចំនួនមតិ 0 | ចំនួនចែករំលែក 0
ទំនើបម្ល៉ឹងៗ ទើបបង្គន់នេះថ្លៃដល់ ៦ ០០០ ដុល្លារ
ចន្លោះមិនឃើញ
កាលពីដើមខែមករាកន្លងទៅ ក្រុមហ៊ុនផលិតបង្គន់ Kohler បានបង្ហាញចេញបង្គន់ឆ្លាតវៃជំនាន់ថ្មីម៉ូដែល Numi មានបំពាក់មុខងារពិសេសៗជាច្រើន ដែលបង្គន់ដទៃទៀតមិនអាចធ្វើបាន។
បង្គន់ឆ្លាតវៃ Numi មានលក់យូរឆ្នាំមកហើយ ប៉ុន្តែចំពោះស៊េរីថ្មីដែលទើបបង្ហាញចេញនេះអាចបញ្ជាដោយសំឡេង, បើក និង បិទគម្របដោយស្វ័យប្រវត្តិនៅពេលដឹងថាមានមនុស្សមកក្បែរ ឬ ងើបចេញ ហើយថែមទាំងអាចកម្ដៅលើកន្លែងអង្គុយទុកជាមុនទៅតាមចំណង់ចំណូលចិត្តអ្នកប្រើប្រាស់ទៀតផង។
លើសពីនេះទៀតនោះវាអាចធ្វើការលាងសម្អាតគូថដោយប្រើទឹកក្ដៅអ៊ុនៗ, អាចលាងសម្អាតចានបង្គន់ដោយខ្លួនឯងដោយប្រើកាំរស្មី UV, អាចបញ្ចេញខ្យល់ក្ដៅអ៊ុនៗដើម្បីសម្ងួតគូថ, បញ្ចេញជាភ្លើងពណ៌ដើម្បីឲ្យអ្នកប្រើប្រាស់ស្រស់ស្រាយ, អាចបាញ់ខ្យល់កម្ដៅជើង ហើយអាចបាញ់ក្លិនក្រអូបដោយស្វ័យប្រវត្តិពេលប្រើរួចម្ដងៗ។
ដោយសារតែមានចំណុចពិសេសដូចបង្ហាញខាងលើ ទើបបង្គន់ Numi មានតម្លៃថ្លៃដល់ ៦ ០០០ ដុល្លារឯណោះនៅលើទីផ្សារសហរដ្ឋអាមេរិក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
