តួ "Harry Potter” នៅសល់លុយជិត១០០លានដុល្លារមិនទាន់ចាយ ក្រោយដើរតួនេះ

2018-02-09 04:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Daniel Radcliffe ទទួលបានទឹកប្រាក់ជាច្រើនបន្ទាប់ពីដើរតួ ជាតួអង្គ "Harry Potter” ក្នុងរយៈពេលជាងមួយទសវត្សរ៍ ប៉ុន្តែលោកមិនដែលចាយលុយទាំងនោះទេ។

Daniel Radcliffe នៅក្នុងរឿង "Harry Potter"

តារារូបនេះបាននិយាយនៅក្នុងកិច្ចសម្ភាសន៍មួយកាលពីឆ្នាំ ២០១១ ពេលផ្សព្វផ្សាយរឿង "Harry Potter" វគ្គចុងក្រោយ "Deathly Hallows” ថាទ្រព្យសម្បត្តិបានមកពីសម្ដែងតួអង្គនេះ ខ្លួនមិនដែលចាយទេ។

ក្នុងកិច្ចសម្ភាសន៍មួយជាមួយសារព័ត៌មាន The Belfast Tellegraph, Daniel បានថ្លែងដូច្នេះថា៖ "ខ្ញុំមិនចង់ចាយលុយទាំងនោះទេ ខ្ញុំពិតជាសប្បាយចិត្តដែលមានលទ្ធភាពរកប្រាក់ទាំងនោះបាន ហើយខ្ញុំចង់ទុកប្រាក់ទាំងនោះមិនចាយ ព្រោះខ្ញុំអាចមានអារម្មណ៍ល្អនឹងចូលរួមសម្ដែងក្នុងភាពយន្តថ្មីៗទៀត ដោយសេរីភាពមិនបាច់ខ្វល់នឹងការដាច់លុយ ហើយអាចឲ្យខ្ញុំរីកចំរើនខាងការងារសម្ដែងទៀតផង។"

សារព័ត៌មាន CBS News ប៉ានស្មានថា តារារូបនេះរកប្រាក់បានពីសែស្រឡាយរឿង "Harry Potter” មិនតិចជាង ៩៥,៦លានដុល្លារនោះទេ។

នៅក្នុងកិច្ចសម្ភាសន៍ជាមួយសារព័ត៌មានដដែលនោះ Daniel បានបន្តថា៖ "ខ្ញុំមិនដឹងថាជីវិតរបស់ខ្ញុំនឹងទៅជាបែបណានោះទេ ប្រសិនជាមិននៅកន្លែងថតភាពយន្ត។ ខ្ញុំអាចឆ្កួតក៏ថាបាន ខ្ញុំពិតជាសំណាងណាស់ដែលបានក្លាយជាមនុស្សក្នុងចំណោមអ្នកស្រលាញ់ការងារខ្លួនឯងខ្លាំង។"

ដូច្នេះហើយ ទើបលោកតែងតែចំណាយទឹកប្រាក់រស់នៅប្រចាំថ្ងៃ ពីភាពយន្តជាច្រើនដែលបន្តថតជារៀងរាល់ថ្ងៃជាជាង ចំណាយទឹកប្រាក់បានមកពី "Harry Potter”៕