ភាពយន្ត​ "Captain Marvel” គឺ​ជា​ភាពយន្ត​ថ្មី​ស្រឡាង​មួយ​ ដែល​នឹង​គ្រោង​ដាក់​បញ្ចាំង​នៅ​ឆ្នាំ ២០១៩ ខាង​មុខ​នេះ​។ តារា​សម្ដែង​ Brie Larson ជា​តារា​សម្ដែង​ជា​តួ Captain Marvel ជា​ Super-Hero ថ្មី​មួយ​នៅ​ក្នុង​ពិភព​ Marvel ឫ Marvel Cinematic Universe។

តារា​សម្ដែង​ធ្លាប់​ឈ្នះ​ពាន​អូស្ការ​វ័យ ២៨​ឆ្នាំ​រូប​នេះ ត្រូវ​គេ​ថត​រូប​បាន​ខណៈ​ពេល​នាង​កំពុង​ថត​រឿង កាល​ពី​រសៀល​ថ្ងៃ​ពុធ​នៅ ទីក្រុង​អាត្លង់តា រដ្ឋ Georgia សហរដ្ឋ​អាមេរិក។

Brie Larson ចុះ​កុង​ត្រា​សម្ដែង​ជា​តួអង្គ Carol Danvers ដែល​ជា​អ្នក​បើក​យន្ត​ហោះ​ចម្បាំង​ ហើយ​ដោយ​សារ​តែ​ហេតុការណ៍​ចៃដន្យ​មួយ​ បាន​ធ្វើ​ឲ្យ DNA របស់​នាង​ប៉ះ​ជាមួយ DNA របស់​ Alien ម្នាក់។ ភាពយន្ត​នេះ នឹង​បង្ហាញ​ពី​ហេតុការណ៍​ដែល​កើត​ឡើង​នៅ​ទសវត្សរ៍​ទី​ ៩០ ហើយ​ក៏​ជា​ភាពយន្ត​ដំបូង​បំផុត​របស់​ផលិតកម្ម Marvel Studio ដែល​មាន​តួអង្គ​​ឯក​ជា​មនុស្ស​ស្រី​។

នេះ​ជា​ទិដ្ឋភាព​នៃ​ការ​ថត​រឿង៖

“Captain Marvel” នឹង​ត្រូវ​ដឹកនាំ​រឿង​ដោយ​ អ្នក​ស្រី Anna Boden និង​លោក Ryan Fleck ហើយ​នឹង​ចាប់​ដាក់​បញ្ចាំង​នៅ​ថ្ងៃ​ទី៨ ខែ​មិនា​ឆ្នាំ ២០១៩។ តួអង្គ​ Captain Marvel នេះ​ក៏​នឹង​បង្ហាញ​ខ្លួន​នៅ​ក្នុង​ភាពយន្ត​ "Avengers 4” នៅ​ខែ​ឧសភា​ផង​ដែរ៕

អាន​អត្ថបទ៖

• Marvel ចេញ Trailer រឿង Avenger: Infinity War ១យប់សោះ មានអ្នកមើលរាប់សិបលានដង (វីដេអូ)

• ក្ដៅៗ តួអង្គ​ X-Men និង Fantastic Four ​ត្រឡប់​មក​កាន់​ Marvel ជា​ផ្លូវ​ការ​ហើយ!

• តួអង្គ​វីរបុរស​ Marvel ភាគ​ច្រើន​ប្រើ​ម៉ាក​ទូរសព្ទ​ចិន

ប្រភព៖ pagesix   ប្រែ​សម្រួល៖ ធារ៉ូ