Mourinho ប្រាប់មូលហេតុប្ដូរ Pogba ចេញ ក្រោយ Newcastle ទាត់ចូលបាន១នាទី
- 2018-02-12 03:13:38
- ចំនួនមតិ 0 | ចំនួនចែករំលែក 0
Mourinho ប្រាប់មូលហេតុប្ដូរ Pogba ចេញ ក្រោយ Newcastle ទាត់ចូលបាន១នាទី
ចន្លោះមិនឃើញ
លោក Jose Mourinho បានដក Paul Pogba ត្រឹមរយៈពេលមួយនាទី បន្ទាប់ពីគូប្រជែង Newcastle ទាត់បញ្ចូលទី ព្រោះលោកចង់ឲ្យកីឡាករបម្រុងចូលទៅជួយសម្រួលស្ថានការលេងក្នុងក្រុមឲ្យសាមញ្ញបន្តិច។
អ្នកចាត់ការ Man Utd បានដាក់ Michael Carrick ជំនួសកីឡាករតម្លៃ៨៩លានផោននៅនាទី៦៦ និងបានបញ្ជាក់ថា វាគឺការសម្រេចបែបយុទ្ធសាស្ត្រមួយ។ "គ្មានបញ្ហាអ្វីទេជាមួយ Pogba។ ដាក់ Carrick ខ្ញុំចង់បានវិធីសាស្ត្រល្អមួយ ដើម្បីជួយការបង្រួមការលេងក្នុងក្រុម។ ព្រោះគេនឹងអាចធ្វើឲ្យការលេងក្នុងក្រុមទៅជាសាមញ្ញ"។
Pogba បានចាញ់ប្រៀបកីឡាករ Florian Lejeune របស់ Newcastle ធ្វើឲ្យខ្សែការពាររូបនេះឈ្នះបាល់លើអាកាស តែតបញ្ជូនបាល់ឲ្យមិត្តរួមក្រុម Matt Ritchie ទាត់បញ្ចូលទី។ ត្រង់ចំណុចនេះលោក Mourinho បានសម្ដែងការមិនពេញចិត្តថា៖ "ខ្ញុំខកចិត្តសម្រាប់ការការពាររបស់កូនក្រុម។ ពួកយើងបរាជ័យក្នុងការប្រជែងបាល់លើអាកាស។ កីឡាករពីរអ្នករបស់ពួកយើង បានត្រឹមឈរមើលគេតែតបាល់ប៉ុណ្ណោះ"៕