ជើងឯកស្គីពិភពលោក៣សម័យ ទឹកភ្នែករហាម ក្រោយដួលក្នុងវគ្គផ្ដាច់ព្រ័ត្រនៃកម្មវិធីប្រកួតស្គីអូឡាំពិកចម្ងាយ ៥០០ម៉ែត្រ

2018-02-13 14:20:40
ចំនួនមតិ 0 | ចំនួនចែករំលែក 0

ចន្លោះមិនឃើញ

Elise Christie បានបរាជ័យម្ដងទៀតក្នុងការដណ្ដើមមេដាយ ក្នុងការប្រកួតស្គីចម្ងាយ ៥០០ម៉ែត្រ វគ្គផ្ដាច់ព្រ័ត្រក្នុងការប្រកួតល្បែងអូឡាំពិករដូវរងានៅកូរ៉េខាងត្បូង។

ជើងឯកស្គីពិភពលោកបីសម័យCristie ត្រូវបានគេប្រទះឃើញថា បានដួលយ៉ាងដំណំពេលកំពុងប្រកួត។ បើតាមសាម៊ីខ្លួន Cristie ផ្ទាល់ បាននិយាយថា ការដួលនេះ មិនមែនជាការដួលដោយខ្លួនឯងនោះទេ។ ផ្ទុយទៅវិញ កីឡាការិនីរូបនេះ គិតថា ខ្លួនត្រូវបានគេប៉ះឲ្យដួលទៅវិញ។

បើតាមការអះអាងរបស់សារព័ត៌មាន The Sun បានឲ្យដឹងថា ពិតជាមានការប៉ះពាល់គ្នារវាងកីឡាការិនីហុល្លង់ Yara van Kerkhof និង Cristieមែន ដែលការណ៍នេះ បានធ្វើឲ្យ Cristie បាត់បង់លំនឹង និងដួលទៅប៉ះជញ្ជាំងនៅជិតនោះតែម្ដង។

ក្នុងវគ្គផ្ដាច់ព្រ័ត្រនេះ កីឡាការិនីអ៊ីតាលី Arianna Fontana បានមេដាយមាសក្នុងប្រកួតនេះ ខណៈYara van Kerkhof បានមេដាយប្រាក់ ឯកីឡាការិនីកាណាដា Kim Boutin បានមេដាយសំរឹទ្ធ។ ដោយឡែក Cristie បានលេង ៤ ខណៈកីឡាការិនីកូរ៉េ Choi Minjeong បានលេង ៥។

សូមបញ្ជាក់ផងដែរថា កាលពីឆ្នាំ ២០១២ នៅការប្រកួតអូឡាំពិកនៅរុស្ស៊ី កីឡាការិនីស្គី Elise Christie ក៏បានដួលដែរក្នុងវិញ្ញាសាប្រកួតវិញ្ញាសា ៥០០ម៉ែត្រនេះ៕