បូជនី កែវ លត់ជង្គង់ សម្រក់ទឹកភ្នែក ខណៈទម្លាយរឿងវិប្បដិសារីក្នុងជីវិត(វីដេអូ)
- 2018-02-14 08:30:00
- ចំនួនមតិ 0 | ចំនួនចែករំលែក 0
បូជនី កែវ លត់ជង្គង់ សម្រក់ទឹកភ្នែក ខណៈទម្លាយរឿងវិប្បដិសារីក្នុងជីវិត(វីដេអូ)
ចន្លោះមិនឃើញ
ក្នុងថ្ងៃបុណ្យនៃក្ដីស្រលាញ់នេះ តារាសម្ដែងដែលទើបប្ដូរឈ្មោះពី លឹម មួយហ្គិច មក បូជនី កែវ បានសម្ដែងការដឹងគុណ និងរម្លឹករឿងរ៉ាវមួយចំនួនដែលខ្លួនបានប្រព្រឹត្តចំពោះម្ដាយ ហើយបន្សល់ទុកវិប្បដិសារីលើខ្លួនដល់សព្វថ្ងៃ។
ស្រីកែវ បានឲ្យដឹងថានាងជាក្មេងស្រីម្នាក់កើតក្នុងគ្រួសារធូរធារមួយ ដែលធ្លាប់រៀននៅសាលាល្អៗ និងទៅណាមកណាមានគេហែហមជូនទៅជានិច្ច។ លុះចម្រើនវ័យដល់ប្រមាណ១២ឆ្នាំ គ្រួសារនាងក៏ធ្លាក់ខ្លួនស្ទើរគ្មានសល់អ្វីទាំងអស់។ ពេលនោះតារាស្រីខាងលើមានអារម្មណ៍ថាខ្មាសគេ ទទួលយកមិនបាន និងខឹងឪពុកម្ដាយខ្លួនយ៉ាងខ្លាំង ថាហេតុអ្វីទើបធ្វើឲ្យមានរឿងនេះកើតឡើង។
គ្រួសារកាន់តែដុនដាបទៅ រហូតស្ទើរគ្មានបាយទទួលទាន ពេលនោះទើបម្ដាយចាប់អាជីពលក់ដូរតិចតួចតាមចិញ្ចើមថ្នល់។ ពេលបើករបរដំបូង នាងនៅតែមានអារម្មណ៍ខ្មាសគេទៀត តែក្រោយមកនាងបានឃើញពីភាពលំបាករបស់ម្ដាយ ដែលតស៊ូកាត់កេរ្តិ៍កាត់ខ្មាស ហត់លំបាកតែម្នាក់ឯងគ្មានសាច់ញាតិណាមកជួយ ទើបនាងដឹងខ្លួនថា ខ្លួនជាមនុស្សគ្មានបានការម្នាក់។ ជាកូនស្រីច្បងក្នុងគ្រួសារ តែមិនអាចសម្រាលបន្ទុកឪពុកម្ដាយហើយ ថែមទាំងខឹង និងគំរោះគំរើយដាក់លោកទាំង២ទៀត។
“នៅពេលដែលខ្ញុំគិតសារឡើងវិញមក ទើបខ្ញុំដឹងថាខ្លួនឯងម៉េចអត់បានការម៉េះ? គាត់ខំកាត់កេរ្តិ៍ខ្មាសមកលក់បបរតាមចិញ្ចើមផ្លូវ ដើម្បីឲ្យខ្ញុំរៀនសាលាល្អ តែខ្ញុំគិតខុសដែលមើលងាយរបរហ្នឹង។ តាមពិតមុខរបរហ្នឹងហើយ ដែលធ្វើឲ្យខ្ញុំមានអ្វីៗដូចសព្វថ្ងៃ ខ្ញុំមានផ្ទះ មានឡានជិះក៏ដោយសារតែរបរហ្នឹងដែរ"។
ឆ្លៀតឱកាសបុណ្យនៃក្ដីស្រលាញ់នេះ បូជនី កែវ បានធ្វើខមាទោស ដោយផ្ញើភ្ជាប់ជាមួយក្ដីស្រលាញ់ថា៖ "ខ្ញុំចង់សុំទោសដល់ម៉ាក់ ដែលកន្លងមកគិតខុសលើម៉ាក់ និយាយសម្ដីមិនពីរោះទៅកាន់ម៉ាក់ ទោះកន្លងមកខ្ញុំធ្វើខុសច្រើនយ៉ាងណា ក៏ម៉ាក់នៅតែល្អ លើកលែងប្រណីដល់កូនជានិច្ច"៕
ទស្សនាវីដេអូបន្ថែម៖