Samsung បង្ហាញមុខងារដែល Galaxy S9 ចម្លងពី iPhone X

2018-02-16 04:38:52
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី ២៥ ខែកុម្ភៈខាងមុខ Samsung នឹងប្រកាសចេញ Galaxy S9/S9+ ជាផ្លូវការ។ ទន្ទឹមនឹងនេះក្រុមហ៊ុនបានបញ្ចេញវីដេអូស្ប៉តចំនួន ៣ ដែលមានបង្ហាញតម្រុយខ្លះៗអំពីស្មាតហ្វូនត្រកូល S ជំនាន់ថ្មី។

វីដេអូស្ប៉តទាំង ៣ មានវីដេអូមួយដែលទទួលបានការចាប់អារម្មណ៍ខ្លាំង ដោយសារមានបង្ហាញខ្លះៗអំពីមុខងារថ្មីលើ Galaxy S9/S9+ ដែលស្រដៀងគ្នាទៅនឹង iPhone X ដែរ។ មុខងារដែលបង្ហាញនោះគឺការបង្កើតនូវរូប Emoji មានកាយវិការ ដោយផ្អែកតាមផ្ទៃមុខរបស់មនុស្ស ដែល Apple ហៅវាថា Animoji។ ទស្សនាវីដេអូខាងក្រោមនៅវិនាទីទី ៩ ៖

គួរដឹងសារព័ត៌មានកូរ៉េខាងត្បូង ETNews បានចេញផ្សាយកាលពីថ្ងៃពុធកន្លងទៅ ដោយអះអាងថា Galaxy S9/S9+ នឹងមានមុខងារ Emoji 3D ដែលមានល្អប្រសើរជាង Animoji របស់ iPhone X។ មុខងារនេះដំណើរការដោយអ្នកប្រើប្រាស់អាចជ្រើសរើសរូបតុក្កតាបែប 3D ដើម្បីឲ្យវាធ្វើកាយវិការផ្ទៃមុខត្រាប់តាមមនុស្ស តាមរយៈ Sesnor ចំណាំផ្ទៃមុខរបស់ Galaxy S9/S9+។

វីដេអូស្ប៉តផ្សេងទៀត ៖

រូបភាពបង្ហាញដោយ Evan Blass

Samsung នឹងបង្ហាញឈ្មោះមុខងារនេះនៅពេលប្រកាសចេញ Galaxy S9/S9+។ មកទល់ពេលនេះព័ត៌មានជាច្រើនអំពីស្មាតហ្វូននេះត្រូវបានលេចធ្លាយ រួមជាមួយរូបភាពដែលបញ្ចេញដោយអ្នកចែករំលែកព័ត៌មានលេចធ្លាយដ៏ល្បីឈ្មោះ Evan Blass៕

ប្រភព៖ redmondpie | macrumors ប្រែសម្រួល៖ សុខហេង