បុគ្គលិក Apple មិនតិចនាក់ នាំគ្នាដើរបុកផ្ទាំងកញ្ចក់ធំៗនៅទីស្នាក់ការថ្មី
- 2018-02-17 07:08:53
- ចំនួនមតិ 0 | ចំនួនចែករំលែក 0
បុគ្គលិក Apple មិនតិចនាក់ នាំគ្នាដើរបុកផ្ទាំងកញ្ចក់ធំៗនៅទីស្នាក់ការថ្មី
ចន្លោះមិនឃើញ
ចាប់តាំងពីបានបើកដំណើរការកាលពីឆ្នាំ ២០១៧ រួចមក បុគ្គលិកនៅទីស្នាក់ការថ្មីរបស់ Apple នាំគ្នាដើរបុកផ្ទាំងកញ្ចក់ជាបន្តបន្ទាប់។
ទីស្នាក់ការថ្មីរបស់ Apple មានហំព័ទ្ធទៅដោយផ្ទាំងកញ្ចក់កោងកម្ពស់ជាង ១៣ ម៉ែត្រ។ នៅខាងក្នុងអគារស្នាក់ការថ្មីនេះក៏មានជាបន្ទប់ការិយាល័យជាច្រើនដែលមានឃាំងដូចកញ្ចក់ជាច្រើន។ ដោយសារតែបុគ្គលិក Apple មួយចំនួនតែងអោនចុចទូរសព្ទពេលដើរទៅមុខ ជាលទ្ធផលធ្វើឲ្យពួកគេត្រូវដើរបុកផ្ទាំងកញ្ចក់ផាំងៗ។
មានបុគ្គលិកមួយចំនួនថែមទាំងបានយកក្រដាសស្អិតមកបិតលើផ្ទាំងកញ្ចក់ ដើម្បីជាការចំណាំទៀតផង។ យ៉ាងណាក្ដីក្រដាសទាំងនោះត្រូវគេបកចេញ ដោយសារធ្វើឲ្យបាត់បង់សោភ័ណភាពនៃការឌីហ្សាញរបស់អគារ។ នេះបើតាមការរៀបរាប់របស់អ្នកដឹងអំពីហេតុការណ៍នេះ។
អ្នកនាំពាក្យក្រុមហ៊ុន Apple បានបដិសេធមិនបកស្រាយជុំវិញរឿងរ៉ាវខាងលើ ហេតុនេះគេមិនអាចដឹងបានទេថាមនុស្សប៉ុន្មាននាក់បានដើរបុកផ្ទាំងកញ្ចក់នាពេលកន្លងមកនេះ។
នេះមិនមែនជាលើកដំបូងទេ ដែលផ្ទាំងកញ្ចក់របស់ Apple បង្កបញ្ហានោះ។ នៅចុងឆ្នាំ ២០១១ ស្ត្រីវ័យ ៨៣ ឆ្នាំ ឈ្មោះ Evelyn Paswall បានដើរបុកផ្ទាំងកញ្ចក់នៅហាង Apple Store រហូតធ្វើឲ្យបែកច្រមុះ។ ស្ត្រីរងគ្រោះបានប្ដឹង Apple ដោយនិយាយថាក្រុមហ៊ុនគួរដាក់សញ្ញាព្រមានលើកញ្ចក់។ រឿងក្ដីបានដោះស្រាយដោយ Apple មិនមានអស់អីមួយរៀលឡើយ នេះបើតាមឯកសារច្បាប់បង្ហាញក្នុងដើមឆ្នាំ ២០១៣៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
