ជ័យជម្នះ Man Utd យប់មិញ បង្កប់រឿងរ៉ាវប្លែកៗច្រើន
- 2018-02-18 06:42:12
- ចំនួនមតិ 0 | ចំនួនចែករំលែក 0
ជ័យជម្នះ Man Utd យប់មិញ បង្កប់រឿងរ៉ាវប្លែកៗច្រើន
ចន្លោះមិនឃើញ
Man Utd បានបន្តដំណើររបស់ខ្លួនទៅវគ្គពាក់កណ្តាលផ្តាច់ព្រ័ត្រនៃក្របខ័ណ្ឌហើយបន្ទាប់ពី Lukaku ស៊ុតបញ្ចូល២គ្រាប់យកឈ្នះ Huddersfield Town យប់មិញក្នុងទឹកដី។
ទន្ទឹមនឹងជ័យជម្នះនេះ គេក៏សង្កេតឃើញថាមានសកម្មភាពគួរឲ្យចាប់អារម្មណ៍នានានៅក្នុងបរិវេណទីលាន៖
១ Alexis Sanchez អបអរជាមួយអ្នកគាំទ្រវ័យក្មេង
បន្ទាប់ពី Lukaku ស៊ុតគ្រាប់ទី២ឲ្យបិសាចក្រហម ក្រុមអ្នកគាំទ្រក្មេងៗជាច្រើនរត់ទៅអបអរជាមួយ វីរបុរសរបស់ពួកគេ។ អ្នកគាំទ្រក្មេងម្នាក់ បានរត់ទៅកាន់ Sanchez ហើយលោតឡើងអោបក hero របស់គេ ហើយអតីតកីឡាករក្រុមកាំភ្លើងធំ បានពរក្មេងតូចនោះដើរក្នុងទីលានដើម្បីអបអរមួយភ្លែតទៀតមុននឹងដាក់គេចុះ។
២ កាមេរ៉ាចាប់សកម្មភាពរបស់អ្នកអត្ថាធិប្បាយកំពុងថត selfie
Robbie Savage ជាអតីតកីឡាករសញ្ជាតិវែល និង អ្នកអត្ថាធិប្បាយព័ត៌មានកីឡាឲ្យ BT Sports ដោយមិនបានចាប់អារម្មណ៍ លោកនៅផ្អៀងផ្អងថត selfie ហើយកាមេរ៉ានៅតាមចាប់រូបភាពលោករហូតដល់លោកភ្ញាក់ខ្លួនឃើញរូបខ្លួនឯងក្នុងកាមេរ៉ា។ Savage អស់សំណើចពេកក៏ដើរទៅកាន់សហការី Jake Humphrey និង Paul Scholes។
៣ Sir Alex Ferguson ពីគ្រូបង្វឹកក្លាយជា fan Man Utd
លោក Sir Alex Ferguson តែងទៅមើលការប្រកួតរបស់ Man Utd ឲ្យតែជាប្រកួតនៅក្នុងទឹកដី ប៉ុន្តែគេកម្រឃើញអតីតអ្នកចាត់ការទូទៅរូបនេះទៅមើលការប្រកួតក្រៅទឹកដីណាស់។
៤ Jose Mourinho និង Lukaku សន្ទនាសម្ងាត់
មុនពេលការប្រកួតឈានចូលដល់តង់ទី២ Mourinho បានហៅ Lukaka ឲ្យទៅអង្គុយជិតលោក។ អ្នកទាំង២ចាប់ផ្តើមនិយាយគ្នាដោយប្រុងប្រយ័ត្ន យកដៃខ្ទប់មាត់ ដូចខ្លាចគេលឺថាពួកលោកនិយាយអី។ Dailymail ជឿថាគ្រូបង្វឹកព័រទុយហ្គាល់រូបនេះបានប្រាប់ទៅ Lukaku ថាត្រូវតែព្យាយាមរត់ពីក្រោយខ្សែការពារ Huddersfield Town ដូចស៊ុតគ្រាប់បាល់ទី១អីចឹង។