បុគ្គល៤រូប ជាប់ឈ្មោះជាម៉ែយ៉ែមក្នុងសង្គមសិល្បៈ

2018-02-20 04:37:54
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកសិល្បៈ ៤ រូបត្រូវបានសារព័ត៌មានក្នុងស្រុកមួយចំនួនចុះផ្សាយជាបន្តបន្ទាប់ថាជាម៉ែយ៉ែម បញ្ចុះបញ្ចូលនាំខ្លួនតារាស្រីៗយកទៅជូនតាតា ឬ អ្នកមានអំណាច។ ពាក់ព័ន្ធករណីខាងលើនេះត្រូវបានសាមីខ្លួនទាំង ៤ ច្រានចោលថា រឿងម៉ែយ៉ែម គ្រាន់តែជាការលាភពណ៌ពីជនខិលខូចមួយចំនួន ក្នុងគោលបំណងសម្អុយកេរ្តិ៍ឈ្មោះតែប៉ុណ្ណោះ ខ្លួនមិនបានប្រព្រឹត្តិដូចការចោទប្រកាន់ឡើយ។

១/ ថ្មីៗនេះពិធីការិនីចាស់វស្សា ឌួង ហ្សូរីដា បានបែកធ្លាយព័ត៌មានថានាង គឺជាអ្នកដឹកញីប្រស៊ីឈ្មោល ឬ ហៅថា ម៉ែយ៉ែម យកតារាស្រីៗវ័យក្មេងទៅឲ្យតាតា និងអ្នកមានអំណាច ដើម្បីទទួលបានប្រាក់កុំមីស្យុងរាប់ពាន់ដុល្លារ។ រឿងរ៉ាវនេះត្រូវបាននាង ចេញមុខបដិសេធន៍ថាគឺជាការលាភពណ៌ ក្នុងគោលបំណងចង់បង្ខូចកេរ្តិ៍ឈ្មោះ។

ឌួង ហ្សូរីដា

២/ អ្នកស្រី ផាន់ សម្ផស្ស ជាម្ដាយតារាសម្ដែង សារ៉ាយ សក្កណា ត្រូវបានប្រភពមួយចំនួនទម្លាយកាលពីខែ សីហា ឆ្នាំ ២០១៦ ថាអ្នកស្រី គឺជាម៉ែយ៉ែម យកតារាស្រីក្មេងៗទៅជូនតាតា ឬ អ្នកមានអំណាចជាដើម ។ ជុំវិញរឿងរ៉ាវនេះត្រូវបាន សារ៉ាយ សក្កណា ចេញមុខបញ្ជាក់នៅលើហ្វេសប៊ុកនាងថា៖"អំពើល្អដែលខ្ញុំ និងម៉ាក់ខ្ញុំបានសាង សូមជួយថែរក្សាក្រុមគ្រួសារខ្ញុំ ហើយអ្នកដែលបង្ខូចកេរ្តិ៍ឈ្មោះខ្ញុំសូមឲ្យអ្នកទទួលបាននូវអ្វីដែលអ្នកបានធ្វើចុះ ទេវតាមានភ្នែក។ សូមអរគុណអ្នកទាំងអស់គ្នា ដែលបានជឿជាក់ និងផ្ដល់កម្លាំងចិត្តសូមឲ្យទេវតាតាមថែរក្សាអ្នកទាំងអស់គ្នា"។

សារ៉ាយ សក្កណា និង អ្នកម្ដាយ

៣/ ចែមុំ ថៅកែហាងកែសម្ផស្សមីកាហ្សាត្រូវបានសមត្ថកិច្ចឃាត់ខ្លួនកាលពីថ្ងៃទី ១៩ ខែ កញ្ញា ឆ្នាំ ២០១២ ពាក់ពន្ធករណីថៅកែស្រីរូបនេះដឹកញីប្រស៊ីឈ្មោលនារីវ័យក្មេង និងតារាមួយចំនួនទៅឲ្យតាតា ដោយតុលាការចេញសាលក្រមឲ្យជាប់ពន្ធនាគារ ៤ ឆ្នាំ និង៦ ខែ អំឡុងខែមីនា ឆ្នាំ ២០១៣។ ការសម្រេចនេះធ្វើឲ្យ ចែមុំ បង្ហូរទឹកភ្នែក និយាយទាំងអួលដើមកទៅកាន់មេធាវីថា ការកាត់ក្ដីនេះពិតជាអយុត្តិធម៌ចំពោះនាង ខ្លាំងណាស់ ព្រោះខ្លួនមិនបានប្រព្រឹត្តិដូចការចោទប្រកាន់ឡើយ។

ចែមុំ ថៅកែហាងកែសម្ផស្សមីកាហ្សា

៣/ តារាចម្រៀងរដឺន អូ រស្មី ត្រូវបានសាលាដំបូងរាជធានីភ្នំពេញប្រកាសសាលក្រមកំបាំងមុខ កាលពីថ្ងៃទី ៣១ ខែ ធ្នូ ឆ្នាំ ២០១៥ ដោយសម្រេចដាក់ពន្ធនាគារ ៧ ឆ្នាំ និងបង្គាប់ឲ្យសងជំងឺចិត្ត ២០ ម៉ឺនរៀលទៅជនរងគ្រោះ ពីបទ នាំក្មេងស្រីវ័យ ១៤ ឆ្នាំម្នាក់ទៅរួមភេទជាមួយអាណិកជនខ្មែរ។ការសម្រេចនេះត្រូវបានតារាចម្រៀងរូបនេះ និងមេធាវី លើកឡើងថា ពិតជាអយុត្តិធម៌ខ្លាំងណាស់ ព្រោះកូនក្ដីខ្លួនមិនមានទោសដូចការចោទប្រកាន់ឡើយ៕