Firmino រួចខ្លួនពីការចោទប្រកាន់រឿងរើសអើងពូជសាសន៍
- 2018-02-22 02:21:34
- ចំនួនមតិ 0 | ចំនួនចែករំលែក 0
Firmino រួចខ្លួនពីការចោទប្រកាន់រឿងរើសអើងពូជសាសន៍
ចន្លោះមិនឃើញ
Roberto Firmino នឹងមិនរងការពិន័យអ្វីទេពីសហព័ន្ធបាល់ទាត់អង់គ្លេសក្រោយប៉ះទង្គិចពាក្យសម្ដីជាមួយ Holgate ក្នុងការប្រកួតដែល Liverpool យកឈ្នះ Everton ២-១ នៅ FA Cup។
ក្នុងការប្រកួតនោះ Holgate បានរុញខ្សែប្រយុទ្ធ Liverpool ខ្ទាតទៅកន្លែងអ្នកគាំទ្រធ្វើឲ្យ Firmino ខឹងស្ទុះចេញមកតទល់គ្នា តែអ្នកទាំងពីរត្រូវអាជ្ញាកណ្ដាល និងមិត្តរួមក្រុមចាប់បំបែក។ Holgate បានចោទ Firmino ថាប្រើភាសារើសអើងពូជសាសន៍លើរូបគេដែលមានស្បែកខ្មៅ។
FA បានបើកការស៊ើបអង្កេតលើករណីនេះ តែមិនរកឃើញភស្តុតាងអ្វីស្របពេលរបាយការណ៍អាជ្ញាកណ្ដាលMadley ដែលនៅលើទីលានផ្ទាល់អះអាងថាលោកក៏មិនឭកីឡាករសញ្ជាតិប្រេស៊ីលប្រើពាក្យរើសអើងពូជសាសន៍ដែរ។
Firmino បានចេញសេចក្ដីថ្លែងការណ៍មួយ ជុំវិញរឿងរ៉ាវខាងលើ ហើយសារភាពថារូបគេបានជេរជាភាសាព័រទុយហ្គាល់លើ Holgate មែនតែមិនមែនជាពាក្យរើសអើងទេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
