កុមារាឥណ្ឌូនេស៊ីចម្លែក អះអាងក្រាបស៊ុតបាន ២០គ្រាប់ តែគ្រូពេទ្យមិនសូវជឿ (មានវីដេអូ)

2018-02-22 02:59:51
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងប្រទេសឥណ្ឌូនេស៊ី មានមនុស្សយ៉ាងហោចណាស់ ២ នាក់ដែលបានអះអាងថា ពួកគេអាចក្រាបស៊ុតតាមរយៈទ្វារធំបាន។ បុរសចំណាស់ម្នាក់ធ្លាប់អះអាងយ៉ាងដូច្នេះ ប៉ុន្តែក្រោយមកគ្រូពេទ្យរកឃើញថា វាជាការបោកប្រាស់ប៉ុណ្ណោះ។

រហូតមកដល់ឆ្នាំ ២០១៥ កុមារាឈ្មោះ Akmal បច្ចុប្បន្នអាយុ ១៤ ឆ្នាំ មកពីតំបន់ Gowa ខេត្ត South Sulawesi បានអះអាងថា គេបានក្រាបស៊ុត ៧ គ្រាប់ក្នុងមួយសប្ដាហ៍។ នៅពេលនោះ ក្រុមអ្នកជំនាញផ្នែកវេជ្ជសាស្ត្រ មានការភ្ញាក់ផ្អើលសារជាថ្មីម្ដងទៀត នៅពេលបានឃើញ វត្ថុមានរូបរាង និងទំហំស្រដៀងស៊ុតនៅក្នុងរន្ធគូថរបស់គេ។

លោក Rusli ត្រូវជាឪពុក Akmal បាននិយាយថា «ក្នុងរយៈពេល ២ ឆ្នាំ គេបានក្រាបស៊ុត ២០ គ្រាប់។ ខ្ញុំបានបំបែកស៊ុតដំបូង ដោយវាផ្ទុកស៊ុតពណ៌លឿង និងមិនមែនពណ៌សឡើយ។ មួយខែក្រោយមក ខ្ញុំបានបំបែកស៊ុតមួយគ្រាប់ទៀត ហើយវាផ្ទុកស៊ុតពណ៌សសុទ្ធ»។

ស៊ុតចំនួន ២ គ្រាប់ចុងក្រោយ ត្រូវបានគេយកទៅមន្ទីរពេទ្យ Syekh Yusuf Hospital ស្ថិតក្នុងតំបន់ Gowa ប៉ុន្តែក្រុមគ្រូពេទ្យហាក់បីដូចជាមិនសូវជឿចំពោះការអះអាងនេះប៉ុន្មានឡើយ។

លោក Muhammad Taslim អ្នកនាំពាក្យមន្ទីរពេទ្យខាងលើ បានឲ្យដឹងថា «ការសង្ស័យរបស់យើង គឺថាស៊ុតទាំងនោះត្រូវបានគេញាត់ចូល (តាមរន្ធគូថ) ដោយចេតនា។ ប៉ុន្តែយើងមិនបានឃើញវាផ្ទាល់នោះទេ។ បើយោងតាមវិទ្យាសាស្ត្រ ស៊ុតមិនអាចកើតនៅក្នុងរាងកាយមនុស្សបានឡើយ។ វាមិនអាចទៅរួចទេ ជាពិសេសនៅក្នុងប្រព័ន្ធរំលាយអាហារ»៕