ការពិត Couple Run ចូលដើមក្រុមហ៊ុនមិនស្ទើរ​ តែបើដឹងហេតុផលនេះ ​រំភើបជំនួស

  • 2018-02-23 00:30:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ជាក់ស្តែង​លក់សំបុត្រ​មួយតម្លៃ ​១៩៨០០រៀល ហើយ Fan បាន​មក​វិញ​លើសតម្លៃសំបុត្រសឹងតែគុណនឹង៧ ព្រោះ​គ្រាន់តែកាបូបនាឡិកា Ice Watch តម្លៃ ៣៥ដុល្លារ បាត់​ទៅ​ហើយ និង​នៅ​មាន​វត្ថុអនុស្សាវរីយ៍​ជា​ច្រើន​ទៀត។ ប៉ុន្តែ​លោក មុត បញ្ញា ប្រធានទីផ្សារ​ផ្នែកលក់​​បាន​ឲ្យ​ដឹង​កាល​ថ្ងៃ​សន្និសីទ​កាសែត​ម្សិលមិញ​នៅ សណ្ឋាគារ SUN & MOON, Urban Hotel ថា ទោះបីខាត តែអត្ថប្រយោជន៍​បាន​មក​វិញ​វា​មាន​តម្លៃ​ក្រៃលែង​ និង​ជា​ប្រយោជន៍​សង្គម ដែល​នេះ​ជា​អ្វី​ដែល​ក្រុម​ហ៊ុន​ចង់​បាន។

"រាល់​ឆ្នាំ​តែង​ធ្វើ​នៅ​ថ្ងៃ​នៃ​ក្តី​ស្រលាញ់ ១៤កុម្ភៈ តែ​​ឆ្នាំ​នេះ កាន់​តែ​ពិសេស​គឺ​ខាង​ក្រុម​ហ៊ុន និង​អ្នក​ចូល​រួម​សហការ បា​កំណត់​យក​ថ្ងៃ ៨មិនា ដែល​ជា​សិទ្ធិនារី​វិញ​ម្តង ដើម្បី​បំផុស​ស្មារតី​ជួយ​មន្ទីរពេទ្យគន្ធបុប្ផា និង​ជាទង្វើ​ដ៏​ល្អ​សម្រាប់​សង្គម​ជាតិ​យើង អ្វី​ដែល​ពិសេស​នោះ​គឺ​ជួយ​លើក​តម្កើង​ ព្រម​ទាំង​ឲ្យ​តម្លៃ​បន្ថែម​ទៀត​លើស្រ្តី​ឲ្យ​មាន​សិទ្ធិស្មើ​នឹង​បុរស"។ ការ​លើក​ឡើង​ពី លោក មុត បញ្ញា។

"និយាយ​ដោយ​ត្រង់​ គឺ​មិន​បាន​ចំណេញ​ទេ គ្រាន់​តែ​កាបូប​មួយ តម្លៃ ៣៥$ បាត់​ទៅហើយ នៅ​មាន​អាវ​យឺត ម្សៅពណ៌លេង ជា​ច្រើន​ទៀត។ តែ​យ៉ាង​ណា​ក៏ក្រុម​ហ៊ុន​នៅ​តែ​បានអត្ថប្រយោជន៍ធំ​នោះ​គឺ ការ​ចេះ​ស្រលាញ់​គ្នា​ ការ​ចេះយោគយល់គ្នា ការ​ចេះឲ្យ​តម្លៃ​គ្នា នេះ​ជា​អ្វី​ដែល​ក្រុម​ហ៊ុន​ចង់បាន"។ ការ​លើក​ឡើង​បញ្ជាក់បន្ថែម​ពី​ប្រធាន​ក្រុមហ៊ុន Watch Empire លោក សួង ស៊ីម។

ពីឆ្វេងទៅស្តាំ ទី២ លោក សួង ស៊ីម ទី៣ លោក មុត បញ្ញា

រាល់​​ឆ្នាំ​កម្មវិធី​នេះ​ ប្រារព្ធ​នៅ​ភ្នំពេញ​ តែ​ដោយសារ​ចង់​ឲ្យ​ប្លែក និង​ផ្លាស់​ប្តូរ​បរិយាកាស​ ក្រុម​ហ៊ុន​សម្រេច​ថា​នឹង​ធ្វើ​នៅ​សៀមរាប​វិញម្តង។ ដោយ​ការ​ជ្រើសរើស​ខេត្ត​នេះ​គឺ​មាន​​លក្ខខណ្ឌអំណោយផល​ពិសេសៗជា​ច្រើន​ដូចជា៖

"ដោយសារ​ខេត្ត​សៀមរាប​ជា​ទីតាំង​​ និង​តំបន់ដ៏ល្អ​មួយ ណាមួយ​មាន​សន្ទុះ​ខ្លាំង​របស់​ Fan ដែល​គាំទ្រពីនាឡិកាដៃ Ice-Watch ហើយ២ឆ្នាំ​កន្លង​មក​ ធ្វើ​នៅ​តែនៅ​ភ្នំពេញ ដូច្នេះ ពួកគេ បាន​សំណូម​ពរ​ឲ្យ​រៀប​ចំនៅ​សៀមរាបម្តង"។ នេះ​បើ​តាម​ការ​ឲ្យ​ដឹង​ពី​អ្ន​កតំណាង​ផ្តាច់មុខ​ Ice-Watch លោក ពន្លឺ នៅ​សៀមរាប។

ជាមួយ​គ្នា​នេះក៏​មាន​វត្តមានតារា​ចម្រៀង​ មាស សុខសោភា ផង​ដែរ ដែលនា​ង​នឹង​ពាំ​នាំ​នូ​វបទ​ចម្រៀងរៀបរាប់​ពី​អារម្មណ៍​របស់​មនុស្ស​ស្រី បន្ទាប់​ពី​រៀបការ​ហើយ និង​មាន​ការបង្ហាញ​ជាពិសេសឲ្យ​សម​ស្រប​ទៅ​នឹ​កម្មវិធីផងដែរ​ តែ​យ៉ាង​ណា​ម្ចាស់​បទ សុំ​លាក់​សិន។ អ៊ីចឹង​ Fan កុំ​ភ្លេច​ទៅ​ចូល​រួម​ទាំង​អស់​គ្នា​ដើម្បី​បាន​ទស្សនា​ទស្សនីយ៍ភាព​ដ៏​អស្ចារ្យ ក៏​ដូចជា​បាន​ចូលរួម​ជួយ​មន្ទីរពេទ្យ​គន្ធបុប្ផា។

សម្រាប់​សំបុត្រ​មាន​ចំនួន​ជាង​ ២៥០០ សំបុត្រ នៅខេត្តសៀមរាប​ផ្ទាល់​លក់​អស់​ជាង​ ៨០០ ទៅ ១០០០ សំបុត្រ​បាត់ទៅហើយអ៊ីចឹង​អ្នក​មិន​ទាន់​បាន​ទិញ អាចរកទិញសំបុត្រ​ទាំង ៦សាខារបស់ក្រុមហ៊ុន Watch Empire និងភ្នាក់ងារស្ម័គ្រចិត្តនៅ ខេត្តសៀមរាប៖

  • Ice-Watch មុនីវង្ស៖ ផ្ទះ 169Eo ផ្លូវ 93 មហាវីថីមុនីវង្ស មនោរម្យ 7មករា ភ្នំពេញ ទូរសព្ទ ០៧៧ ៧៥ ១០ ០០
  • Ice-Watch អ៉ីអនមល៖ ជាន់ទី១ ជិត Chat time ទល់មុខ Lock & Lock ទូរសព្ទ ០៧៧ ៨៥ ១០ ០០
  • Ice-Watch ស្ទឹងមានជ័យ ៖ ក្នុងទំនើបស្ទឹងមានជ័យថ្មី ជាន់ផ្ទាល់ដី ទល់មុខ Lucky Super market ទូរសព្ទ ០៩៥ ៨៥ ១០ ០០
  • Ice-Watch សូរិយា៖ ជាន់ទី២, នៅទល់មុខ Lotteria Burger, ទូរសព្ទ ០៧៨ ៨៥ ១០ ០០
  • Ice-Watch សៀមរាប៖ ផ្ទះ 11E0 ផ្លូវជាតិលេខ 6 (នៅកាច់ជ្រុងស្តុបសណ្ឋាគារ សុខា និង ត្រីកោណមាត , ជិតព្រះអង្គចេក ព្រះអង្គចម) ទូរសព្ទ ០៩៥ ៨៨៨ ៨៥០
  • Ice-Watch បាត់ដំបង៖ ផ្ទះលេខ 91E0 ផ្លូវលេខ 3 ជិតសណ្ឋាគារប៉ារីស ទូរសព្ទ ០៧៧ ៣០ ៣០ ០០

កុំ​ភ្លេចណា! ជួប​គ្នា​នៅផ្សាររាត្រី ផាម (Palm Container Night Market) នៅថ្ងៃទី ០៨ មីនា ដែលត្រូវជាថ្ងៃសិទ្ធិនារីអន្តរជាតិក្នុង​កម្មវិធី Couple Run ៕

អត្ថបទ៖ ថា ម៉ាលីដា