ច្បាស់ដូចថ្ងៃរូបរាង Galaxy S9 ធ្លាយមុនដាក់បង្ហាញជាផ្លូវការ

2018-02-24 01:57:31
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនដល់ថ្ងៃប្រកាសបង្ហាញជាផ្លូវការនៃ Galaxy S9/S9+ ពីសំណាក់ក្រុមហ៊ុន SAMSUNG បើយើងក្រឡេកទៅមើលបណ្តាញសង្គម Weibo របស់ប្រទេសចិន ក៏ទម្លាយនូវរូបប៉ុន្មានសន្លឹក ដោយហ៊ានសន្មតជាស្មាតហ្វូនជំនាន់ថ្មី Galaxy S9 យ៉ាងពិតប្រាកដ។

ចចាមអារ៉ាមមុននេះបន្តិចក៏បញ្ជាក់ស្រដៀងគ្នា ត្រកូល S ឆ្នាំ ២០១៨ រចនានូវជម្រើស ៤ ពណ៌មានខ្មៅ, ស្វាយ, ខៀវ និងប្រផេះ។ បំពាក់នូវអេក្រង់ Super AMOLED ទំហំ ៥,៨ អ៊ីញ មាត្រដ្ឋាន ១៨,៥:៩ អមអាវក្រោះការពារទឹកស្តង់ដារ IP68 និងរត់លើប្រព័ន្ធ Android 8.0 Oreo។ ប្រើនូវឈីបជំនាន់ក្រោយ Snapdragon 845 ឬ Exynos 9810 ប្រភេទ Octa Core បន្ថែម RAM 4GB/64GB ROM មានរន្ធដោត mciroSD គាំទ្រដល់ 400GB។

សមត្ថភាពកាមេរ៉ាក្រោយទំហំ 12MP មាន Aperture f/1.5 និងខាងមុខ 8MP បន្សំថាមពលថ្មធំ ៣ ០០០ mAh ហើយអ្វីដែលពិសេសគាំទ្រទាំងមុខងារស្កេនខ្ចៅដៃ, ស្កេនប្រស្រីភ្នែក និងស្កេនផ្ទៃមុខថែមទៀតផង។ Galaxy S9 និង Galaxy S9+ រំពឹងនឹងដាក់បង្ហាញជាសាធារណៈក្នុងថ្ងៃទី ២៥ កុម្ភៈ ជាមួយតម្លៃក្បែរ ១ ០០០ ទៅ ១ ២០០ ដុល្លារ ។