EXO និង CL ពួតដៃគ្នាញ៉ាំងព្រឹត្តិការណ៍បិទកីឡាអូឡាំពិកយប់មិញឡើងកក្រើកស្តាត

2018-02-26 08:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីបិទព្រឹត្តិការណ៍កីឡាអូឡាំពិករដូវរងាទីក្រុងព្យុងយ៉ាងឆ្នាំ២០១៨ បានបញ្ចប់ទៅដោយរលូនកាលពីថ្ងៃទី ២៥ ខែកុម្ភៈម្សិលមិញដោយបន្សល់នូវអនុស្សាវរីយ៍ជាច្រើន។

អ្វីដែលគ្រប់គ្នាមិនអាចបំភ្លេចបាននោះគឺ ទស្សនីយភាពសម្ដែងរបស់កំពូលតារា K-Pop ២រូប/ក្រុម គឺ CL និង EXO។ អ្នកដែលមានវត្តមានក្នុងព្រឹត្តិការណ៍នោះទាំងអស់ពិតជារំភើបចិត្តឥតឧបមា ខណៈចូលរួមផ្ទាល់ក្នុងកម្មវិធីពិសេសកាលពីយប់មិញ នៅពហុកីឡដ្ឋាន PyeongChang Olympic Stadium ទីក្រុងព្យុងឆាង ប្រទេសកូរ៉េខាងត្បូង។

បង្ហាញខ្លួនមុនគេ CL បានលើកយកបទចម្រៀងដ៏ល្បី "The Baddest Female” និង "I Am The Best” របស់ក្រុម 2NE1។ សំឡេងហ៊ោលាន់ស្ទើរកក្រើកមេឃ អំឡុងពេលតារាស្រីរូបនេះសម្ដែង ពិតជាបានធ្វើឲ្យកម្មវិធីមានភាពអស្ចារ្យថែមមួយកម្រិត។

យ៉ាងណាមិញបន្ទាប់ពីតារាស្រីរហ័សនាម Queen រូបនេះសម្ដែងចប់ ដល់វេនក្រុមចម្រៀងបុរសលេចធ្លោប្រចាំ K-Pop គឺ EXO មកបង្ហាញទេពកោសល្យអស្ចារ្យម្ដង។

មិនចាញ់ CL ប៉ុន្មានទេ ពោលសន្ទុះនៃការស្រែកគាំទ្រអមជាមួយការសម្ដែងរបស់ EXO មានភាពគគ្រឹកគគ្រេងបំផុត។ ថ្ងៃដ៏មានអត្ថន័យនេះ EXO បានលើកយកបទចម្រៀងល្បីរបស់ខ្លួន ២បទដូចជា "Growl” និង "Power”។

ទស្សនាការសម្ដែងរបស់ EXO ដូចខាងក្រោម៖

#카이 의 독무로 시작된 #EXO 의 폐막 공연#으르렁 부터 #Power 까지!#평창올림픽 2.9 ~ 2.25 MBC와 함께! #PyeongChang2018 #2018평창올림픽 #평창 #올림픽 #MBC평창나의올림픽 #폐회식 pic.twitter.com/iKs8xebiQk
— withMBC (@withMBC) February 25, 2018